ყველა რუსი და რუსეთელი სამხედრო დამნაშავედ მიმაჩნია და ღრმა, ყოვლისმომცველ სიძულვილს ვგრძნობ - ირაკლი აბსანძე

ჟურნალისტი ირაკლი აბსანძე, ფეისბუკის საკუთარ გვერდზე, უკრაინაში მიმდინარე ომს ეხმიანება:

"2008 წლის ომი ოკუპირებულ ფოთში გავატარე. მაშინ არასამთავრობო ორგანიზაციაში ვმუშაობდი. ბომბებისგან თავშესაფარი გავწმინდეთ, წყალი მოვიმარაგეთ, დევნილებს ფინანსურად და საკვებით ვეხმარებოდით.

რასაც დღეს ვგრძნობ, მაშინ არ მიგრძვია ამ სიმძაფრით. გერმანიის საზოგადოებრივ რადიოსთან ერთ-ერთი ჩართვის დროს ისიც კი ვთქვი - კარგია, რომ ქალაქში ეთნონაციონალური სიძულვილი რუსების მიმართ არ იგრძნობა-მეთქი.

ფოთში სსრკ-ს დროს ბევრი რუსი ცხოვრობდა. სამხედროების, მეზღვაურების, ინჟინრების ოჯახები. 90-ანებში ბინები გროშებად გაყიდეს და გაიქცნენ.

მაგრამ, ბევრიც დარჩა. არ მინდოდა ბრაზი და აგრესია მათ საკუთარ თავზე ეგრძნოთ.

ბუჩის ტრაგედიამ წონასწორობა დამაკარგვინა. ყველა რუსი და რუსეთელი (ცხადია, ჩვენი თანამოქალაქეების გარდა) სამხედრო დამნაშავედ მიმაჩნია და ღრმა, ყოვლისმომცველ სიძულვილს ვგრძნობ.

გონებით ვიცი, რომ ეს ცუდია, მაგრამ გულს ვერაფერს ვუშვები.

ყველა რუსმა იგივე ფასი უნდა გადაიხადოს, რასაც ჩემი მეორე სამშობლოს - გერმანიის მოქალაქეები დღემდე იხდიან.

თაობებმა ბაღიდან მოყოლებული ყველა საგანმამათლებლო სივრცეში უნდა ისწავლონ, რომ კაცობრიობის წინაშე დანაშაული ჩაიდინეს. სულ ბოდიშებს უნდა იხდიდნენ. სულ უნდა რცხვენოდეთ",-წერს, ირაკლი აბსანძე.

ასევე დაგაინტერე­­­­სებთ:

🔵ომის თავიდან ასაცილებლად, ნებისმიერი პატრიოტი ხელისუფალი უნდა აკეთებდეს ყველაფერს და მე ამ სულისკვეთებით, ამ პასუხისმგებლობით ვმოქმედებ - რაკლი ღარიბაშვილი

🔵ჩვენ ვართ მშვიდობისმოყვარე ქვეყანა და ძალიან ტანჯული ხალხი - რუსეთის პატრიარქი

🔵რა უნდა იცოდეთ თუ იტალიის სადეპორტო განყოფილებაში, „ქვესტურაში“, „პრეფექტურასა“ ან საავადმყოფოში აღმოჩნდით?