„ახლა კი გვყავს მთავრობა, რომლის "პრორუსულობა" სულ უფრო თვალსაჩინო ხდება და რომელიც მხოლოდ რიტუალურ პროდასავლურობას ინარჩუნებს“ - გია ნოდია
თვალსაჩინოა, რომ ანტირუსული (იგულისხმება თბილისში ჩამოსული რუსები და არა რუსეთის სახელმწიფო) გრძნობები ახლა გაცილებით ძლიერია, ვიდრე 2008 წლის ომის შემდეგ, - ამის შესახებ პოლიტოლოგი გია ნოდია სოციალურ ქსელში წერს.
„ეს პარადოქსია: რაც არ უნდა სოლიდარობა გვქონდეს უკრაინის მიმართ, უშუალოდ საქართველოზე თავდასხმა მაინც სხვაა. წესით, რუსებზე მაშინ უფრო უნდა ვყოფილიყავით გაბრაზებულები. რა ხსნის ამას?
ზედაპირული ახსნა შეიძლება იყოს ის, რომ იმ ომის შემდეგ რუსების ასეთი რაოდენობით "შემოსევა" არ ყოფილა, შესაბამისად, ამ დონის ვიზუალური გამღიზიანებელი არ გვქონია (ადამიანები, როგორც ვიცით, თვალს უფრო აყვებიან, ვიდრე რაციონალურ არგუმენტებს).
ესეც ფაქტორია. მაგრამ მე მგონი, მთავარი მიზეზი შიდაპოლიტიკურია: მაშინდელ მთავრობას ბევრი ემტერებოდა სხვადასხვა ნიშნით, მაგრამ პრორუსულს (ოდნავ ჭკუათმყოფელი) ვერავინ უწოდებდა. ცხადია, რუსეთის ახალი აგრესიის შიში არსებობდა, მაგრამ არავის ეშინოდა, რომ ხელისუფლება რუსეთის ჩვენს მიმართ აგრესიულ პოლიტიკას წაახალისებდა და ხელს შეუწყობდა. ამიტომ, ვთქვათ, რუსეთის მოქალაქეებისთვის უვიზო რეჟიმის შექმნა და მათი ტურიზმის წახალისება პრაქტიკულად არავის გაუპროტესტებია. არავინ ჩაუთვლია ეს "პრორუსულ" ნაბიჯად (ჩემი აზრით, სრულიად სამართლიანად), რადგან მიშასგან პრორუსულ ნაბიჯებს არ ელოდნენ.
ახლა კი გვყავს მთავრობა, რომლის "პრორუსულობა" სულ უფრო თვალსაჩინო ხდება და რომელიც მხოლოდ რიტუალურ პროდასავლურობას ინარჩუნებს; ის სულ უფრო მეტად ეყრდნობა ხალხს, ვისთვისაც მისი პრორუსულობა სულაც არ არის ნაკლი. შესაბამისად, რაკი არ გვწამს (ვისაც არ გვწამს), რომ ხელისუფლება მოტივირებულია რუსეთის მხრიდან პოლიტიკური (და არა მხოლოდ სამხედრო) აგრესიისგან ჩვენს დასაცავად, რუსეთის და რუსების წინაშე გაცილებით უფრო დაუცველად ვგრძნობთ თავს. ეს დაუცველობის განცდა ბადებს რეაქციას, რომ ნებისმიერი კაფეში მჯდომი რუსი წყვილი ოკუპაციური პროექტის ნაწილია.
რამდენად შეადგენს რუსების "შემოსევა" რეალურ საფრთხეს, ან როგორი უნდა იყოს მათ მიმართ დამოკიდებულება - სრულიად სხვა საკითხია. ამაზე არ ვწერ (რუსეთის მოქალაქეებისთვის სავიზო რეჟიმის შემოღებას მეც მხარს ვუჭერ - მაგრამ ეს არსებული ხელისუფლების პირობებში წმინდად თეორიული საკითხია), მხოლოდ იმ ფაქტის გაგებას ვცდილობ, რატომ არის ჩვენი სპონტანური ფსიქოლოგიური რეაქცია რუსის დანახვაზე დღეს გაცილებით უფრო მძაფრი, ვიდრე 2008 წლის ომის შემდეგ.
ამიტომ გავიმეორებ, რაც აქ რადმენჯერმე ვთქვი: როგორც არ უნდა ვაფასებდეთ რუსეთის მოქალაქეების "შემოსევას", როგორც პრობლემას, ის მაინც მეორადია უფრო სტრატეგიულ პრობლემასთან შედარებით, რომ გვყავს ხელისუფლება, რომელიც გვყავს“, - წერს პოლიტოლოგი გია ნოდია Facebook-ზე.
ასევე დაგაინტერესებთ:
1728220640
სოციალური მედია🎥 ლელა წურწუმიამ კესარია აბრამიძეს სიმღერა მიუძღვნა - „ჩუმად ნათქვამი“
18 სექტემბერს თბილისში, დიდ დიღომში, ავთანდილის ქუჩაზე, საკუთარ ბინაში მოკლული იპოვეს მოდელი კესარია აბრამიძე. მას სასიკვდილო ჭრილობა ყელის არეში, ცივი იარაღით ჰქონდა მიყენებული. კესარია აბრამიძის მკვ...
1728216733
სოციალური მედია„თბილისობა“ 4 შვილთან ერთად - რა კადრებს აქვეყნებს ბექა ხოფერია
ბექა ხოფერია წლების წინ, საზოგადოებამ როგორც პოლიტიკოს ხათუნას ხოფერიას ვაჟი, მოგვიანებით კი როგორც მომღერალ თიკა ჯამბურიას მეუღლე ისე გაიცნო. მათ საერთო შვილი ნინა ჰყავ...
1728214141
სოციალური მედია„ყველა და ყველაფერი ლამაზია ამ ქალაქში“ - ნინი შერმადინი ტრიუმფალურ თაღთან პოზირებს
ქართველი მომღერალი ნინი შერმადინი, რომელიც ბოლო წლებია ამერიკაში ცხოვრობს და საქმიანობს, მისი კარიერა თუ პირადი ცხოვრება მუდმივად ინტერესის საგანს წარმოადგენს, ამიტომ იგი გამომწერებს მისი ცხოვრების მნ...
1728211167
საზოგადოებაქედაში ავტოსაგზაო შემთხვევას ბავშვის სიცოცხლე ემსხვერპლა
ქედის მუნიციპალიტეტში მომხდარ ავტოსაგზაო შემთხვევას ბავშვის სიცოცხლე ემსხვერპლა, რამდენიმე ადამიანი კი დაშავდა. არსებული ცნობით, მსუბუქი ავტომობილი, რომელშიც რამდენიმე მგზავრი იმყოფებოდა, სოფელ ბზუბზუ...
1728209756
საზოგადოებაოკუპირებულ ცხინვალში სროლის შედეგად „სამართალდამცავი ორგანოს“ 2 თანამშრომელი დაიჭრა
ოკუპირებულ ცხინვალში, სტალინის ქუჩაზე სროლა იყო. როგორც Кавказский Узел წერს, შედეგად ე.წ. სამართალდამცავი ორგანოს 2 თანამშრომელი დაიჭრა. გამოცემის წყაროს ცნობით, ერთმანეთის მისამართით გასროლა მილიცი...