"არ დამარცხდება ეს ხალხი! რატომ? - იმიტომ, რომ შაქარი და მაკარონის ნაცვლად იარაღი იყიდეს"

სამოქალაქო აქტივისტი ნიკო მიქაია, სოციალურ ქსელში უკრაინელი ხალხის შესახებ ემოციურ წერილს აქვეყნებს:

"არ დამარცხდება ეს ხალხი!

რატომ?

იმიტომ, რომ საოცარი სიყვარული აჩვენეს საკუთარი სამშობლოსი!

იმიტომ, რომ არ გაქცეულან და არ დაუცლიათ მაღაზიები!

იმიტომ, რომ შაქრის და მაკარონის ნაცვლად იარაღი იყიდეს!

იმიტომ, რომ 300 ათასი კაცი ჩაეწერა ტერიტორიულ თავდაცვაში!

იმიტომ, რომ 140 ათასი ემიგრანტი დაბრუნდა უკრაინაში და იცავს საკუთარ სამშობლოს!

იმიტომ, რომ ყველა, პოზიციაც და ოპოზიციაც ერთი მიმართულებით მიცურავს ახლა, გამარჯვებისკენ!

იმიტომ, რომ სისხლი უდუღთ და მზად არიან სიკვდილამდე იბრძოლონ!

იმიტომ, რომ არავინ ამბობს იქ ,,აბა ომი გინდა?” იმიტომ, რომ ადამიანურად ექცევიან ტყვეებს, და სასტიკად უსწორდებიან მოღალატეებს!

იმიტომ, რომ კაცი, ქალი, მოხუცი და ახალგაზრდა ერთად იბრძვის საკუთარი მიწისთვის!

იმიტომ, რომ უყვართ ერთმანეთი და უყვართ საკუთარი სამშობლო!

ეს ხალხი გაიმარჯვებს ყველაზე დიდ ბოროტებაზე და აუცილებლად გაიმართება წელში!

საოცარი ერია და ურაგანივით გადაუვლის მსოფლიოს ყველაზე დიდ ბოროტებას!

ეს ხალხი გაიმარჯვებს თავისუფლებისთვის ბრძოლაში და მოიპოვებს არა მარტო საკუთარ თავისუფლებას!", - წერს მიქაია.

სხვა სიახლეები:

⬛ ქართული ოცნება: პრეზიდენტს შევახსენებთ, რომ სახელმწიფო სისტემის თამაშის წესებს კონსტიტუცია განსაზღვრავს, ხოლო პრეზიდენტს მისი გადაწერის შესაძლებლობას ვერავინ მისცემს

⬛ ღარიბაშვილი: საქართველოს პრეზიდენტი შეცდომაშია შეყვანილი და გაუგებრობაში აღმოჩნდა

⬛ "15 წლამდე თავისუფლების აღკვეთა - ეს არის ფასი, თავისუფლებისა დღევანდელ რუსეთში"