" ... არასოდეს იქნება ისეთი, როგორიც ომის დაწყებამდე იყო " - რას ამბობს მაქსიმ გალკინი ინსტაგრამზე?

რუსეთის ცნობილმა არტისტმა და ალა პუგაჩოვას მეუღლემ მაქსიმ გალკინმა დღეს საკუთარი "ინსტაგრამის" გვერდის გამომწერებისთვის ვიდეო მიმართვა გაავრცელა. 

კონკრეტულად, ვიდეო მიმართვაში ის პასუხობს მისი გვერდის გამომწერების იმ ნაწილს, რომლებიც მას ინსტაგრამზე, ძველებურად, მისი და მისი ოჯახის მონაწილეობით ახალი და მხიარული ვიდეოების გადაღებას და განთავსებას სთხოვენ.  

"მე ვერ ვხედავ ვერანაირ, სულიერ და მორალურ შესაძლებლობას ამის გასაკეთებლად. ასე რომ, ჩემი არც ინსტაგრამის და არც ტელეგრამის გვერდი, რომელიც ცოტა ხნის წინ გავხსენი, არ იქნება ისეთი როგორიც იყო 24 თებერვლამდე.' - ამბობს გალკინი

ვიდეო მიმართვაში მან ასევე კომენტარი გააკეთა, მასზე და მის ოჯახზე გავრცელებულ "ჭორებზე" და საზოგადოებას ურჩია რომ არ წაიკითხონ დილაობით საბჭოთა გაზეთები.  

შეგახსენებთ, რომ მაქსიმ გალკინმა და ალა პუგაჩოვამ არასრულწლოვან შვილებთან ერთად, უკრაინაში ომის დაწყებიდან რამდენიმე დღეში დატოვეს რუსეთი. ისინი პირადი თვითმფრინავით გაურკვეველი მიმართულებით გაფრინდნენ. 

მედია სივრცეში ვრცელდება, მათი ადგილსამყოფელის შესახებ სხვადასხვა ვერსიები. ერთ-ერთი ვერსიის მიხედვით, წყვილი შვილებთან ერთად კვიპროსზე იმყოფება, სადაც 2 წლის წინ სახლი შეიძინეს.

ასევე საინტერესოა

🔷"რატომ უნდა დავეხმაროთ უკრაინას?! - ამ სტატუსს ყოველდღე გავაზიარებ, სანამ ყველა უმადური ქართველი, მშიშარა და უნამუსო ვირთხა არ წაიკითხავს" - სოციალური მედია

🔷მარიუპოლიდან ევაკუირებული 16 წლის კატიას სულის შემძვრელი მონათხრობი ამბები - სუსტი გულის ადამიანებმა არ წაიკითხოთ

🔷აშშ უკრაინას დამატებით 300 მილიონი დოლარის შეიარაღებას გამოუყოფს - რას მოიცავს შეიარაღება?