დიდი მადლობა ადამიანო - რა იპოვა მომღერალმა ანდრია გველესიანმა დაკარგულ საფულეში

მომღერალი ანდრია გველესიანი სოციალურ ქსელში წერდა, რომ  რამდენიმე დღის წინ საფულე დაკარგა, რომელშიც სოლიდური თანხა, მანქანისთვის ჰქონდა გადანახული. საფულის პოვნის შემდეგ კი აღმოაჩინა  რომ ქურდს ფული წაუღია, თუმცა  საფულეში რაღაც მაინც დაუტოვა, აი რას წერს მომღერალი:

„ყველა მოვლენას აქვს დადებითი მხარე. 2 დღის წინ ქუჩაში საფულე ამომივარდა. შემდეგ ბევრი ვეძებე და როცა ვიპოვე, შიგნით ყველა ნივთი დამხვდა, გარდა სოლიდური თანხისა, რომელიც მანქანის გამოსაცვლელად მქონდა გადადებული.
საგულდაგულოდ ჰქონდა ამ ადამიანს ყველა ნივთი გადახარისხებული და დაბინავებული საფულის სხვადასხვა ჯიბეში. ამ ნივთებში აღმოვაჩინე ის, რასაც ფოტოზე ხედავთ. (საერთოდ არ მახსოვდა)დედაჩემის, მაიკოს და ჩემი პატარა დაიკოს ფოტოები. მაიკოს სასიყვარულო წერილი და ლექსი ძმობაზე, რომელიც მაშინ დავწერე, როცა საქართველოდან საკმაოდ შორს ვცხოვრობდი. მოკლედ, კიდევ ერთხელ მივხვდი, რომ ჩემთვის ყველაზე მნიშვნელოვანი სიყვარული, ოჯახი და ნამდვილი მეგობრობაა. დიდი მადლობა ადამიანო, რომ ჩემი საფულის ყველაზე მიუდგომელ ჯიბეში ჩაძვერი და კიდევ ერთხელ შემახსენე ადამიანობის მთავარი ღირებულება!”

ასევე დაგაინტერესებთ:

🔵უკვე ზოგიერთი პოლიტიკური ძალა "სანქციებითაც" მემუქრება ამ კონკრეტული საქმის განხილვის შედეგის გამო - ნიკა გვარამიას საქმის მოსამართლე განცხადებას ავრცელებს

🔵საბერძნეთი: ბანკის შეიარაღებული ძარცვა ნეო კოსმოსში - პოლიცია დამნაშავეს, ამ დრომდე ეძებს

🔵„ჩემი დაბადების დღეა, 43 წლის წინ გავჩენილვარ ოზურგეთში“ - რას წერს იუბილარი ზურა შევარდნაძე