"ხან ვაზელინს მეძახიან, ხან მონას... მისგან ერთი სიგარეტის კოლოფიც კი არ მახსოვს. ვასრულებ ჩემს აქტიურობას, ოღონდ ეს იმას არ ნიშნავს, რომ ივანიშვილის მაგინებელი გავხდები"

მომღერალი თემურ თათარაშვილი სოციალურ ქსელ "ფეისბუკში" მმართველი პარტიისადმი მხარდაჭერის გამო, მისადმი ბულინგის შესახებ წერს: 

"ბევრი ვიფიქრე მეგობრებო და მინდა მოგახსენოთ, უკვე წლებია, ჩემი „ოცნების“ მხარდაჭერის გამო ვარ თავდასხმის და შეურაცხყოფის ობიექტი, მსხვერპლი.

ხან ვაზელინს, მეძახიან ხან მონას…

უკვე მართალი გითხრათ, მომბეზრდა ეს ყველაფერი ავიტანო გაუნათლებელი და გაბოროტებული ხალხისგან.

არც იმის მტკიცებას დავიწყებ, რომ არანაირი გამორჩენა არ მაქვს არავისგან, მეტსაც გეტყვით, ყველას რომ ჰგონია, მე ივანიშვილი მანებივრებს და განსაკუთრებულ პირობებში ვარ – ერთი სიგარეტის კოლოფიც კი არ მახსოვს მისგან.

ასე რომ, დაიოკეთ ნერვები.

მე ვილანძღები, მაგრამ არ ვკარგავ მაყურებელსაც და პატივისცემას, რომელიც წლების განმავლობაში დავაგროვე, მაგრამ წინსვლა და უფრო მყარად რომ ვიდგე, ამის შესაძლებლობა არ მაქვს!!!

ხოლო ის ხალხი, რომელიც დუმს ან შუაშიტს თამაშობს, ან კიდევ ღიად აფიქსირებენ ჩემგან განსხვავებულ აზრს, ისინი მიიწევენ მაღლა.

მოკლედ, დავასრულებ აქტიურობას, ოღონდ ეს იმას არ ნიშნავს, რომ მე „ოცნების“ მხარდამჭერი აღარ ვარ, ან ივანიშვილის მაგინებელი გავხდები როდისმე.

უბრალოდ, დავასრულე ჩემი აქტიურობა აქ წერა-კითხვით, ვისაც ვუყვარდი, ალბათ, დღესაც ვუყვარვარ და ვისაც არა ,სულ კარგად იყვნენ!",- წერს თათარაშვილი.

ასევე დაგაინტერესეთ:

📍ესტონეთმა პროტესტის ნიშნად რუსეთის ელჩი დაიბარა - "რუსეთმა უნდა შეწყვიტოს მეზობლების დაშინება"

📍დამანგრეველი მიწისძვრა ავღანეთში - მსხვერპლი 950-მდე გაიზარდა