„მარიუპოლში უეცარი დაბომბვისას დაიღუპა მისი: ცოლი, 4 წლის ქალიშვილი, დედა და მამა“ - ირაკლი კუპრაძე შემზარავ ისტორიაზე

ბათუმის საკრებულოს წევრი, პარტია „ლელოს“ აჭარის ლიდერი ირაკლი კუპრაძე სოციალურ ქსელში შემზარავ ისტორიაზე წერს.

„7 დღის წინ ჩვენს ოფისში უკრაინელი ბიჭი, ვიტალი მოვიდა.

მეზღვაურია.

სანამ ნაოსნობაში იყო და დაბრუნებას მოასწრებდა, მარიუპოლში უეცარი დაბომბვისას დაიღუპა მისი: ცოლი, 4 წლის ქალიშვილი, დედა და მამა.

 კონტაქტზე არ გამოდიოდა, 7-დღიანი ძებნის შემდეგ, დღეს საღამოს მივაგენი ერთ-ერთი სასტუმროს ნომერში, გამოკეტილია, არ გამოდის, საერთოდ არ ჭამს, მხოლოდ ალკოჰოლს ეტანება.

ვხედავ ჩემს თვალწინ მდგომ ახალგაზრდა, სიმპათიურ, ჯანით სავსე ადამიანს, რომელიც განადგურებულია, მიწასთან გასწორებულია და ყველა სიტყვაზე ტირილს იწყებს.

არ არსებობს სიტყვები რითაც მისი გამხნევება შეიძლება და არც არაფერი მითქვამს.

ვთხოვე, შენი დახმარება მჭირდება და იმიტომ გეძებდი, გთხოვ ხვალ ფხიზლად იყავი, უამრავი უკრაინელი ლტოლვილი ჩამოდის და უნდა დავეხმაროთ ერთად-მეთქი.

რაღაცნაირად, თითქოს გამოფხიზლდა პირობა მომცა, ვეცდები ხვალ ფხიზელი ვიყო და დაგეხმაროო.

ახლა მისგან დავბრუნდი შტაბში და გონება არ მიმუშავებს...

როგორი დასასრულიც არ უნდა ჰქონდეს ამ საომარ ეპოსს, ერთი დანამდვილებით ვიცი, ამ ტკივილის გონებიდან წაშლა გამორიცხულია, ვერაფერი მაიძულებს, ოდესმე მინიმალურ დათმობას ან ლმობიერებას მტრისადმი, რასაც პუტინის რუსეთი ჰქვია!

პუტინის რუსეთის ნებისმიერი მიმდევარი არის ამ სისხლიანი ჩეხვის მონაწილე, რაზედაც ყველამ უნდა აგოს პასუხი, ზოგმა სამართლებრივად, ზოგმა პოლიტიკურად, ზოგმა მორალურად, მაგრამ ყველამ უნდა ზღოს თავისი საფასური!

რუსეთი არის მტერი, უპირობოდ, უსიტყვოდ, მაგრამების გარეშე და მისგან თავი უნდა დავიხსნათ, პოლიტიკურადაც და ეკონომიკურადაც.

ბრაზი მახრჩობს, მაგრამ ვიცი ეს ბრაზი საით მივმართო.

სიკვდილი მტერს!

დიდება გმირებს!“- წერს ირაკლი კუპრაძე.

ასევე საინტერესოა:

🔵 „ალეკო ელისაშვილზე ვინც ვღლიცინებდით, მათ შორის მეც.... “- რას წერს ვანო ნადირაძე ალეკო ელისაშვილზე

🔵 „ხალხო, საქართველოში წეწვა-გლეჯვა მიდის თემაზე გმირი ვარ თუ არა...არ მინდა ეს გმირობა, რას გადამეკიდა ეს კაცი“ - რას წერს დომენიკ მანგო?

🔵  მიხეილ ყაველაშვილი: ჩემმა დაგინებამ აღფრთოვანება გამოიწვია ხალხში ... ხალხი მირეკავდა და გახარებული იყო...