"როდესაც შენი სახელმწიფო ჩადის დანაშაულს, დამნაშავე მთელი ერია" - რას წერს ილიაუნის პროფესორი

ილიას სახელმწიფო უნივერსიტეტის პროფესორი გიორგი მაისურაძე სოციალურ ქსელში წერს: 

"თუ საქართველოს მთავრობა არა მხოლოდ უკრაინის ღიად მხარდაჭერას ვერ ბედავს, არამედ რუსეთს კონტრაბანდისტული გზით უკრაინელების ხოცვაში ეხმარება, როგორც ამას უკრაინის დაზვერვა იუწყება, ეს ისტორიული დანაშაული მხოლოდ ვინმე ღარიბაშვილზე თუ კობახიძეზე კი არ ვრცელდება, არამედ მთელ საქართველოზე, მთელ ქართველ ერზე.

აქ „ქოცი არასდროს ვყოფილვარ“ და „ხმა სხვას მივეცი“ არ გამოდგება.

როდესაც შენი სახელმწიფო ჩადის დანაშაულს, დამნაშავე მთელი ერია, რომელმაც ეს ხელისუფლება აირჩია და მის პოლიტიკას თუ არ დაეთანხმა, ხელი მაინც არ შეუშალა.

ესაა ერი-სახელმწიფოს პრინციპი.

საქართველოს, ანუ ქართველი ერის რეპრეზენტანტი დღეს დავით აღმაშენებელი და შოთა რუსთაველი კი არა, ირაკლი ღარიბაშვილია, ის ქმნის ფაქტებს, მისი ხელმოწერით და სიტყვით საქართველო ლაპარაკობს და, შესაბამისად, მასზეც მთელი საქართველოა პასუხისმგებელი.

ისტორია ასე განსჯის, ისევე, როგორც საერთაშორისო პოლიტიკა.

არც გერმანელებისთვის უპატიებიათ ნაციზმი და არც რუსებს პატიობენ პუტინს, დამოუკიდებლად იმისა, ვინ ვისი მომხრე იყო და გულში რას მღეროდა.

ესაა რეალობა, ყველაფერი დანარჩენი ლირიკაა", - წერს მაისურაძე.

ასევე დაგაინტერესებთ:

🔵 მეგის ქარდავა: საქართველოდან რუსეთში კონტრაბანდული ტვირთი ოკუპირებული ტერიტორიებიდან შედის

🔵 დმიტრო კულება: კიდევ რამდენი ბუჩა უნდა მოხდეს საიმისოდ, რომ სანქციები დააწესოთ? რამდენი ბავშვი, ქალი, კაცი უნდა მოკვდეს

🔵  "ვინც რამე სახით მხარს უჭერს ორკისტანს, მათზე ბევრად უარესები ხართ და თქვენ მოგი**ანთ ყველაფერი!!" - დავით ქაცარავა კრამატორსკში, რკინიგზის სადგურის დაბომბვაზე

🔵 "ყოველთვის იქნება ბერბიჭაშვილი, ორჯონიკიძე, იოსელიანი, ალტ ინფო და ასე შემდეგ, მათი სახელი და საქმე გაქრება, როგორც ფერფლი და სიბნელეს მიეცემა" - უტა ბექაია