"სესხზე, რომელიც სრულად არის დაფარული, თავდებს დაუბლოკეს ანგარიში და დაუყადაღეს ხელფასის 100%-ი" - დავა "საქართველოს ბანკთან", რომელიც მოქალაქემ სასამართლოში მოიგო ისევ გრძელდება

სოციალურ ქსელ ფეისბუკში, ფეისბუკმომხმარებლის პოსტი ვრცელდება, სადაც "საქართველოს ბანკთან" დავის შესახებ წერს, რომელიც მისი განმარტებით, სასამართლოს გზით მოიგო, თუმცა ბანკი კვლავ "არაკეთილსინდისიერად" ებრძვის მათ.

"საქართველოს ბანკი • Bank of Georgia  

ყველგან სადაც ხელი მიმიწვდება გავავრცელებ, როგორ უსამართლოდ იქცევით ჩემი და ჩემი ოჯახის წევრების მიმართ ‼️‼️

საქმე ისაა, რომ 2022 წლის 15 აპრილს დასრულდა ჩემი და საქართველოს ბანკის დავა სასამართლოს პირველ ინსტანციაში ჩემი გამარჯვებით.

ეს დავა მიმდინარეობდა თითქმის ორი წელი.

ბანკი მედავებოდა დაახლოებით 25 000 ლარს, რადგან სესხის ხელშეკრულების გაფორმების შემდეგ რაღაც დოკუმენტი შექმნეს, რომელსაც დაარქვეს ჩემი ხელშეკრულების დანართი, სადღაც საიტზე შეტენეს ეს დანართი და ამის შესახებ არც არაფერი მაცნობეს.

ხელშეკრულებაში კი არაფერი იყო მითითებული ამ დანართის შესახებ.

ეს ყველაფერი კი მას შემდეგ გავიგე, რაც გადავწყვიტე სესხის წინსწრებით სრულად დაფარვა.

ამ ორი წლის განმავლობაში, სანამ საქმე სასამართლომდე მივიდოდა, ყველანაირად ვცდილობდი ჩემს ადვოკატთან ერთად, რომ როგორმე დიალოგი მქონოდა ბანკთან, მაგრამ როგორც ჩემი პირადი ბანკირი მიხსნიდა, მათ თანამშრომლებს არ ჰქონდათ დრო ჩემთან სალაპარაკოდ.

მიუხედავად იმისა, რომ ჩემს სიმართლეში დარწმუნებული ვიყავი, ბანკს ვთავაზობდი ამ სადავო თანხის ნაწილის გადახდას, მათ შორის სასამართლო პროცესზეც კი მზად ვიყავი მორიგებისთვის, იმდენად მორალურად დამღლელი იყო ეს პროცესები ჩემთვის (თან უარყოფით გადამხდელთა სიაშიც ჩამსვეს).

მაგრამ არა, ბანკი ამბობდა, რომ არანაირ შეთანხმებაზე არ იყო წამომსვლელი.

მრავალი უშედეგო მცდელობის შემდეგ, საქმე მივიდა სასამართლომდე.

გაიმართა 5-ზე მეტი პროცესი პირველ ინსტანციაში.

თითოეული იყო მძიმე, რადგან ვიმყოფებოდი ჩემთვის უჩვეულო ამპლუაში, ბანკი ცდილობდა წარმოვეჩინე როგორც არაკეთილსინდისიერი გადამხდელი, (ასევე შუამდგომლობით ითხოვდა ჩემი ქონებების დაყადაღებას, რაც სასამართლომ არ დაუკმაყოფილა).

ემოციურად ძალიან მძიმე იყო ჩემთვის, როგორც კანონმორჩილი მოქალაქისთვის, რომელსაც არცერთი სამართლიანი ვალდებულებისთვის თავი არ აურიდებია.

ტირილამდეც კი მიმიყვანეს რამდენიმე პროცესზე თავისი უტიფრობით.

საბოლოოდ მოვიგე ეს საქმე ჩემი არაჩვეულებრივი ადვოკატის დამსახურებით.

სასწაული ემოცია იყო, რომ ჩემი სიმართლის დამტკიცება მოვახერხე პირველ ინსტანციაში.

ამის მიუხედავად ბანკი დღემდე აგრძელებს უკანონო ქმედებებს ჩემი და ჩემი ოჯახის წევრების მიმართ!

როგორც ჩანს ამ შედეგმა ძალიან გააბრაზა ბანკის მესვეურები და მიმართავენ უკანონო ქმედებებს!

‼️ წაგებული დავის პარალელურად, 20 აპრილს ამ სესხზე (რომელიც სრულად არის დაფარული), თავდებს დაუბლოკეს (სხვა სიტყვებით, რომ ვთქვათ - დაუყადაღეს) ანგარიში და დაუკავეს ხელფასის 100% !!! ეს ხდება მაშინ, როდესაც ორი უძრავი ქონება ისედაც დაყადაღებული აქვთ ამ არარსებული მოთხოვნის ფარგლებში.

‼️ დაბლოკვას ახდენენ ყოველგვარი სამართლებრივი საფუძვლის და სასამართლო განჩინების ან/და გადაწყვეტილების გარეშე, თვითნებურად.

‼️ ეს საქციელი, რომ შერჩეთ დამკვიდრდება უკიდურესად საშიში და უკანონო პრაქტიკა, როდესაც ყოველგვარი სასამართლოს გარეშე შეძლებენ ყველას დაგიბლოკონ ანგარიშები !!!

მე ჩემი მხრივ ყველაფერს გავაკეთებ, რომ ამ მონსტრს ბოლომდე შევებრძოლო და ჩემი სიმართლე ბოლომდე გავიტანო!

ასევე ყველას გირჩევთ, რომ არ დანებდეთ და ვისაც უსამართლოდ მოგექცათ ბანკები, აუცილებლად ბოლომდე იბრძოლეთ.

მხოლოდ ჩვენ გვაქვს ძალა, რომ შევქმნათ პრეცედენტები! ✊‼️

პ.ს. პოსტს ვურთავ სასამართლოს გადაწყვეტილებისა და სარეზოლუციო ნაწილის პირველ გვერდებს",- წერს ფეისბუკმომხმარებელი. 

სხვა სიახლეები:

📍ჯანდაცვის მინისტრი: სამინისტროს ინფექციური საავადმყოფო არ შეუმოწმებია და არც არის გეგმაში

📍"უგულავა წევს თემას, სააკაშვილი ელჩად უნდა დანიშნონო - დანიშნონ, მაგალითად რუსეთში და პუტინს გავუგზავნოთ, ინფარქტი დაარტყამს მის დანახვაზე, ეგრევე გადადგება"