"წარმოუდგენელი ვანდალიზმი, მკრეხელობა დაფიქსირდა" – რა ფოტოებს ავრცელებს დეკანოზი ილია ჭიღლაძე

დეკანოზი, ილია ჭიღლაძე სოციალურ ქსელში ფოტოებს ავრცელებს და წერს:
 
“წარმოუდგენელი ვანდალიზმი, მკრეხელობა და ისტორიის განადგურება დაფიქსირდა ჩვენს თვალწინ ნავთლუღის წმ. ბარბარეს ქვემო (ანუ მცირე) ეკლესიაში წინამძღვრის, დეკანოზ ისე (საერო სახელი – ბაღდო) არხოზაშვილის ხელმძღვანელობით 2019 წელს:

1) აღნიშნული თავხედობისა და მავნებლობის შედეგად განადგურდა თავადი სუმბათაშვილების, მათ შორის ცნობილი გენერალ მიხეილ სუმბათაშვილის, მე-19 საუკუნის საფლავები და მათი წარწერები, რაც დიდი ისტორიული დანაკლისია, მით უფრო, რომ ეს ეპიგრაფიკული ძეგლები მეცნიერულად შესწავლილი და ფოტოფიქსირებული არ იყო.

2) მე-18 საუკუნის ნატეხი და რიყის ქვით ნაშენი დარბაზული ეკლესიის ფასადების კედლები მთლიანად დაფარულ იქნა ახალი ქვის (ნიჩბისის ნატეხი ქვა) პერანგით, რითაც სრულად დაიფარა ტაძრის ავთენტური, ისტორიული იერსახე და არქიტექტურა, რაც ასევე უნდა შეფასდეს, როგორც ისტორიული და კულტურული მემკვიდრეობის ძეგლის განადგურება და უმძიმესი დაზიანება.
ფოტოზე: საფლავთმაოხრებელი ქვაბავაზაკი დეკანოზი ისე არხოზაშვილი განადგურებულ და მომეტლახებულ საფლავებზე მდგომი.

ეს ამბავი 2020 წელს აღმოვაჩინე და მივაწოდე თეოლოგ გ. ტიგინაშვილს გამოსაქვეყნებლად, რადგან ჩემი მუდმივი კრიტიკული აქტივობების გამო საპატრიარქო მუდამ აწუხებდა ჩემს ეპისკოპოსს და ჩემ დასჯას ითხოვდნენ, ამიტომ მოვერიდე ზედმეტ დაძაბულობას.
ატყდა დიდი სკანდალი მედიაში, აღიძრა სისხლის სამართლის საქმე, მაგრამ ყველაფერი ჩაიფარცხა და მივიწყებას მეცა, ხოლო ვანდალი მღვდელი ისე ისევ მაგ ტაძრის წინამძღვარია. ესაა ჩვენი საპატრიარქოს და პირადად ილია მეორის, თბილისის მთავარეპისკოპოსის რეალური სახე 


ეს უვიცი და ველური მღვდელი არხზაშვილი პროფესორად ჰყავდა ნეკრესის მიტროპოლიტ სერგის გრემის სასულიერო სემინარიაში (საპატრიარქოს მორიგი არაკრედიტირებული და არაავტორიზებული ფსევდო სასწავლებელი, ფულის საჭრელი სტანოკი). რას ასწავლიდა ან ასწავლის იქ მომავალ მღვდლებს ბაღდო?! ალბათ საფლავთმაოხრებლობის ტექნოლოგიებს.
წარმოგიდგენთ შესაბამის ფოტომტკიცებულებებს ჩადენილი უდიდესი მორალური, ანტიქრისტიანული, სისხლისსამართლებრივი და ეროვნული დანაშაულის შესახებ. ფოტოები ქრონოლოგიურადაა და მიხვდებით რა იყო და რა მოხდა.
 
ტელეკომპანია რუსთავი 2-თან გაკეთებულ კომენტარში, ნავთლუღის წმ. ბარბარეს ტაძრის წინამძღვარმა – დეკანოზმა ისე არხოზაშვილმა, მის მიერ ჩატარებულ ვანდალურ სამუშაოებზე გასაოცარი უტიფრობითა და დემაგოგიით განაცხადა:

“ტაძრის კედლები იყო დანგრეული, დაბლიდან ამოდიოდა ქვეწარმავლები, გველები შემოდიოდა ეკლესიაში. ჩვენ ამ საფლავზე გამოვაცხადეთ სოციალურ ქსელში, სუმბათაშვილებს გთხოვთ, მობრძანდეთ, რომ ჩვენ გვინდა ამ იატაკის რესტავრაცია და როგორ გავაკეთოთ, თქვენ წინადადებებს ველოდებით. ველოდეთ 8 თვე. 8 თვეში მოვიდა ერთი პატარა 16 წლის გოგო, მეტი არავინ გამოჩენილა. ჩვენ გადავწყვიტეთ, რომ ეს ქვეწარმავლები რომ აღარ შემოსულიყო ეკლესიაში, დაგვეგო რაღაც, იატაკი ხომ უნდა გაგვეკეთებინა?! თუ ვინმეს არ მოსწონს, მე დღესვე შემიძლია ეს ყველაფერი ავგავო. ეს სამუშაოები მამა გიორგი ტაბაღუამ დაიწყო. მე არ მიფიქრია, თუ საბუთები არ არსებობდა”.

შეუძლებელია მკვდარ კაცს, მღვდელ გიორგი ტაბაღუას დააბრალოს ეს ავი საქმე, მაშინ როცა წინამძღვარი თავად იყო და არა აწ განსვენებული ტაბაღუა.

ან თუ საქმის კურსში არ იყო, აბა ის რვა თვე სუმბათაშვილებს როგორ ელოდებოდა? ან “ქვეწარმავლების ამოსვლის” გამო საფლავები უნდა დააბეტონოს? რა არის ეს თუ არა მზაკვრობა, უზნეობა და სიცრუე?
რაც შეეხება ხსენებულ მამა გიორგი ტაბაღუას, იგი წლების წინ გარდაიცვალა. ამასთან, ის იყო მამა ისეს წინამძღვრობის ქვეშ და თავად ვერანაირად ვერ გასცემდა სამუშაოების შესრულებაზე “კურთხევას”?! ასე, რომ საკუთარ სამართლებრივ დანაშაულს ახალი მორალური მავნებლობაც დაამატა დეკანოზმა ისემ!", - წერს სასულიერო პირი.

ასევე დაგაინტერესებთ:

* "ნაციონალურ მოძრაობას" ვუსურვებ, რომ დაიშალოს რაც შეიძლება ბევრ ნაწილად" - ალეკო ელისაშვილი

 

 

  

მასალის გამოყენების პირობები


მთავარი სიახლეები




სხვა სიახლეები

1711620000

ბიზნესი

ლარი დოლართან მიმართებით გაუფასურდა, ევროსთან - გამყარდა

27 მარტის ვაჭრობის შედეგად, ლარი აშშ დოლართან მიმართებით გაუფასურდა. კურსის ცვლილებამ 0.29 თეთრი შეადგინა, რის შემდეგაც დოლარის ოფიციალური ღირებულება 2,7084 ლარი გახდა. საქართველოს ეროვნული ბანკის ინფ...

ბიზნესი

1711616400

ახალი ამბები

ქუთაისის აეროპორტიდან ქალაქის ცენტრამდე ავტობუსები დაინიშნა

დღეიდან, 28 მარტიდან ქუთაისის საერთაშორისო აეროპორტიდან ქალაქის ცენტრამდე და პირიქით, მგზავრებს სამი ავტობუსი - SHUTTLE BUS მოემსახურება. საქართველოს აეროპორტების გაერთიანების ცნობით, შეისყიდეს ახალი,...

ზოგადი

1711612800

ახალი ამბები

საგამოძიებო სამსახურმა ე.წ. ქოლცენტრების საქმეზე ორი პირი დააკავა

საქართველოს ფინანსთა სამინისტროს საგამოძიებო სამსახურის თანამშრომლებმა, გატარებული საგამოძიებო მოქმედებების შედეგად, ორგანიზებული ჯგუფის მიერ, დიდი ოდენობით სხვისი ქონების თაღლითურად დაუფლების ფაქტზე...

სს

1711609200

მსოფლიო

უცხოელ ექსპერტებთან დაკავშირებით ჩვენ ერთხელ უკვე ვენდეთ, მათ შორის ევროკავშირსაც, როდესაც მათი თხოვნით, მიხეილ სააკაშვილთან ჩამოვიდნენ პოლონელი ექსპერტები და წინდით გამოჰქონდათ მისი რაღაც ბიომასალა - შალვა პაპუაშვილი

უცხოელ ექსპერტებთან დაკავშირებით ჩვენ ერთხელ უკვე ვენდეთ მათ შორის ევროკავშირსაც, როდესაც მათი თხოვნით, მოწოდებით, მიხეილ სააკაშვილთან ჩამოვიდნენ პოლონელი ექსპერტები. ევროკავშირმა გაგვიცრუა იმედები, -...

საქართველო

1711605600

ჰოროსკოპი

რა გელოდება დღეს - 28 მარტის ასტროლოგიური პროგნოზი ზოდიაქოს ყველა ნიშნისთვის

ვერძი ეცადეთ, ფული უფრო რაციონალურად ხარჯოთ, განსაკუთრებით, თუ უახლოეს ხანებში სამედიცინო გამოკვლევის ჩატარებას გეგმავთ. რეკლამა ნუ მოგატყუებთ - შეძენამდე ნივთი ყურადღებით შეამოწმეთ, რათა იმედგაცრუებუ...

ჰოროსკოპი