"წუხელ ქვედა სართულიდან ამოდიოდა ლეწვის, ყვირილის, გინების და ბავშვების ტირილის ხმა... გამოვიძახე პატრული, იმ ქალმა არაფერი არ ხდება, არაო. ქალებო, ვინც ამ ყველაფერს ითმენთ, გამართლება არ აქვს" - ისტორია სოციალური ქსელიდან

ფეისბუკის ერთ-ერთ ჯგუფში მსგავსი შინაარსის პოსტი დაიდო, რომელსაც უცვლელად გთავაზობთ:

"მოკლედ წუხელ ღამით ქვედა სართულიდან ამოდიოდა საშინელი ყვირილის ხმა.

როგორც ყოველთვის დაბლა სართულის მეზობლები, ცოლ-ქმარი ჩხუბობდნენ, რომლებსაც ჰყავთ 3 მცირეწლოვანი ბავშვი.

ამჯერად თან ისმოდა ჭურჭლის ლეწვის ხმა, გინების, წივილ-კივილის.

ვეღარ მოვითმინე და დავრეკე პოლიციაში.

სასწრაფოდ მოდით, ბავშვებიც სახლში არიან და ერთ-ერთის ტირილი მესმის-თქო.

ვკანკალებდი შიშისგან მე თვითონ.

მალე მოვიდა პოლიცია, გაფაციცებით ვისმენდი რა მოხდებოდა, რა დიალოგი შედგებოდა.

ქალი გამუდმებით პასუხობდა არაფერი მომხდარა, არა, არაფერი, არა, არა სულ ამ პასუხებით იყო.

დარწმუნებული ვარ იქვე ეყრებოდა დამსხვრეული ჭურჭელიც.

გაისტუმრეს პოლიცია ასე ლამაზად და გააგრძელეს ცხოვრება, მას შემდეგ ხშირად მესმის ხმები, მაგრამ ყურადღებას აღარ ვაქცევ, თურმე ადრეც გამოუძახებიათ პოლიცია სხვა მეზობლებს, მაგრამ ეს ქალი ყოველთვის ჩუმადაა.  

ჰოდა ახლა რას გეტყვით ქალებო, ვინც მსგავს მდგომარეობაში ხართ და ითმენთ, ითმენთ რაღაც მიზეზების გამო, ამ მიზეზებს გამართლება არ აქვს…

იქ სამი ბავშვი იზრდება, რომლებიც ყოველღამე ამ სცენებს ხედავენ, მე არ მესმის დედას თუ თავისი თავი არ ეცოდება, შვილი მაინც როგორ არ უნდა შეეცოდოს?

არ მითხრათ, სამი ბავშვით სად წავიდოდაო, წასასვლელიც აქვს და გვერდში დამდგომი ხალხიც ჰყავს.

ნუ იქნებით მსხვერპლის როლში, თქვენც არანაკლებ დანაშაულს ჩადიხართ თქვენი შვილების წინაშე.

მათ არაფერი დაუშავებიათ, მათ სრული უფლება აქვთ სრულფასოვანი ბავშვობის ქონის.

ძალიან გავბრაზდი იმ ქალზე, ძალიან.

კაცზე საუბარი აღარ მაქვს, ის არის არაადამიანი, რომელიც არ სიყვარულის, არც შვილის და არანაირი ადამიანური დამოკიდებულების ღირსი არ არის…",- აღნიშნულია პოსტში.

ასევე დაგაინტერესებთ:

* “მის სასახელოდ უნდა ითქვას, რომ დარჩენილი ცხოვრება იმპერიას არ მისტიროდა და რევანშისტი არ გახდა - ამაზე ეკუთვნის ალბათ მთავარი მადლობა”

* "ერთადერთი სახლი იწვის, ლოგინად მწოლიარე დედა გამოიყვანეს... ცოცხალია... გუშინ ჰქონდა დაბადების დღე 72 წლის გახდა"