"ვის ვუჭერთ ამ ომში მხარს ? თორნიკე რიჟვაძეობა მინიმუმ უხერხულია" - ვახო სანაია გოგა ჩანადირს აკრიტიკებს

ჟურნალისტი ვახო სანაია ფოტოგრაფ გოგა ჩანადირს ვოლოდიმირ ზელენკის გამო ფეისბუკზე დაწერილი სტატუსის გამო აკრიტიკებს და წერს:

"გოგა ჩანადირმა დაწერა სტატუსი, სადაც ზელენსკის აკრიტიკებს ელჩის გაწვევის გამო

ჯერ ერთი, მკაფიოდ ითქვა, რატომ გაიწვია ელჩი.

საუკეთესო შემთხვევაში, სტატუსის ავტორს წარმოდგენა არა აქვს, რა განაცხადა ზელენსკიმ, რატომ გაიწვია ელჩი.

მაგრამ ერთი წუთით დავანებოთ ამას თავი და ყურადღება გავამახვილოთ, რა წერია ამ ამონარიდში.

არ მივაქცევდი ყურადღებას, რომ ეს სტატუსი ზუსტად არ იმეორებდეს ,,ქართული ოცნების" პროპაგანდას. რაც იგულისხმება გოგას ტექსტში, იმას ვუპასუხებ.

"არც მისი მეზობელი მოლდოვა შეუერთდა სანქციებს, არც ჩინეთი, არც ბრაზილია, არგენტინა, ყაზახეთი, სომხეთი და კიდევ უამრავი ქვეყანა და მაშ სად არის ლოგიკა?"

მოლდოვა - ნეიტრალური სახელმწიფოა .

ჩინეთი - უზარმაზარი ქვეყანაა, რომელმაც უკრაინას საჯაროდ დაუჭირა მხარი, რეალურად კი რატომ უნდა გამოიწვიოს ელჩი ჩინეთიდან ამ ეტაპზე, როცა ამ სახელმწიფომ შეიძლება, გადამწყვეტი როლი შეასრულოს. პეკინი ელოდება მოვლენების განვითარებას. ეს არის ქვეყანა, რომელსაც ზელენსკი უსაფრთხოების გარანტორად მოიაზრებს.

ბრაზილია - ასევე უზარმაზარი სახელმწიფოა და სამხრეთ ამერიკაში მდებარეობს.

არგენტინა - იგივე ვითარებაა, რაც ბრაზილიის შემთხვევაში.

ყაზახეთი - იქ რუსეთმა სისხლისღვრა მოაწყო უკრაინაში ომამდე, ჩამოიცილა ნაზარბაევი, რომ სრული კონტროლი დამეყარებინა. ახლა ყაზახეთი სრულად ექვემდებარება რუსეთის დიქტატს.

სომხეთი - სრულად რუსეთის კონტროლს ექვემდებარება. რუსული ბაზები უდგას ერევნისავე თანხმობით. მოსკოვის სატელიტი და მოკავშირეა. ამ კონკრეტულ მომენტში ოდეკებეს თავმჯდომარე ქვეყანაა. რა აზრი აქვს იქიდან ელჩის გაწვევას.

ბოლოს და ბოლოს, გადაწყვიტეთ, ვართ უკრაინის მოკავშირე თუ არა ?

ვის ვუჭერთ ამ ომში მხარს ?

თორნიკე რიჟვაძეობა მინიმუმ უხერხულია",- წერს სანაია.

რა დაწერა გოგა ჩანადირმა? ვრცლად ბმულზე 👇

📍"ბელარუსი სულაც რუსეთს ეხმარება და ელჩი იქაც კი დატოვა. არც ერთ ხსენებულ ქვეყანას იმაზე მეტი არ გაუკეთებია უკრაინისთვის, რამდენიც საქართველომ და ქართველმა ხალხმა. არაფრით მომწონს პრეზიდენტ ზელენსკის გადაწყვეტილება" - გოგა ჩანადირი