ირმა ხეცურიანი კონტინენტის ჩემპიონია - საქართველოს ეტლით მოფარიკავე ქალთა ნაკრები ევროპის ჩემპიონატიდან 4 მედლით დაბრუნდა

ირმა ხეცურიანი ევროპის ჩემპიონია ეტლით ფარიკაობაში, ვარშავის კონტინენტის პირველობაზე, ირმა ხეცურიანმა რაპირით ფარიკაობაში ოქროს მედალი მოიპოვა.

ხეცურიანმა ნახევარფინალში ბრძოლა მოუგო უკრაინელ ოლგა იესინას ანგარიშით 15:2, ფინალში კი იტალიელი ბიაჯინი დაამარცხა 15:3 და ოქროს მედალი აიღო. ამავე ტურნირზე ასპარეზობისას, დღეს ნინა თიბილაშვილმა მეორე მაღალი სინჯის მედალი მოუტანა საქართველოს ნაკრებს. თიბილაშვილმა რაპირით ბრძოლაში მესამე ადგილის მოსაპოვებლად დაამარცხა უნგრელი ამარელა ვერესი ანგარიშით 15:3 და ბრინჯაოს მედლის მფლობელი გახდა.

შეგახსენებთ, ვარშავის ევროპის ჩემპიონატზე ხმლით ფარიკაობაში, ნინა თიბილაშვილი ვერცხლის მედლის მფლობელი გახდა.

„ვულოცავთ ჩვენს პარა მოფარიკავეებს, მწვრთნელებს მალხაზ მესხს, მერაბ ბაზაძეს, არჩილ უგულავას წარმატებულ ასპარეზობას და მომავალშიც გამარჯვებას ვუსურვებთ. 

საქართველოს ეტლით მოფარიკავე ქალთა ნაკრები შემდეგი შემადგენლობით ირმა ხეცურიანი, ნინა თიბილაშვილი, გვანცა ზადიშვილი, ხვალ რაპირით ასპარეზობაში გუნდურ შეჯიბრში იბრძოლებს მაღალი სინჯის მედლის მოსაპოვებლად. წარმატებებს ვუსურვებთ ჩვენს გოგონებს“, - წერს საქართველოს ფარიკაობის ფედერაცია.

ასევე საინტერესოა:

🔵 "პაციენტმა თქვენთან ყოფნის პირობებში დაკარგა საწყისი წონის 30% და ეს სიკვდილის ძალიან მაღალ რისკს შეიცავს, გთხოვთ მიაწვდინეთ ხმა მკურნალობის დამკვეთებს" - ნანა გეგეჭკორის მიმართვა კოლეგებს

🔵 „გოგონა მწერს, ერთ-ერთ გარდაცვლილზე, რამე ხომ არ იციო..შვილი ყოფილა ზუსტად იცის, რომ მამა აღარაა, მაგრამ“ - გიგა მაქარაშვილი სამწუხარო პოსტს აქვეყნებს