კვარას ბრწყინვალება-"ნაპოლი"-მ "სასუოლო" გაანადგურა 6:1

იტალიის ჩემპიონატის მიმდინარე სეზონში ქართველმა ვარსკვლავმა ხვიჩა კვარაცხელიამ და მისმა "ნაპოლი"-მ "სასუოლო"-ს წინააღმდეგ სტუმრად ნამდვილი საჩემპიონო თამაში აჩვენა. 

ავტორიტეტულმა ანალიტიკურმა სააგენტოებმა კვარას თამაშს უმაღლესი შეფასება მისცეს-Flashscore 9.0 ქულა, Sofascore 9.7, Whoscored  კი სულაც მაქსიმალური 10 ქულა დაუწერა. 

თამაშის დასაწყისი კვლავ შეფაშფოთებელი იყო ნეაპოლელთათვის-რაჩიჩმა შორეული დარტყმით "სასუოლო" დააწინაურა, თუმცა შემდეგ ჩემპიონები გაბრაზდნენ და რაჰმანის დაწყებული "გოლაობა" ოსიმენმა ჰეთ-თრიკით, ხოლო კვარაცხელიამ დუბლით გააგრძელეს. საბოლოოდ 6:1. 

ქართველ შემტევს კარისკენ 9 დარტყმა ჰქონდა, აქედან 2-ჯერ გაიტანა და ერთხელ მეკარემ იხსნა მასპინძლები, 5 მნიშვნელოვანი პასი, აქედან 1 საგოლე ოსიმენზე, მის წინააღმდეგ ერთხელ დაჯარიმდნენ, მისი ხუთი ჩაწოდებიდან 4 ზუსტი იყო, პასების 94% კი ადრესატამდე მივიდა. 

მიმდინარე სეზონში კვარას 8 გოლი და 4 საგოლე გადაცემა მოუგროვდა, სულ კი იტალიის ჩემპიონატის 58 მატჩში 20 გოლი და 16 პასი. 

ამ გამარჯვებით "ნაპოლი" 26 ტურის შემდეგ 40 ქულით მე-9 ადგილზეა და 6 ქულა აშორებს ჩემპიონთა ლიგის ზონას. კვირას, 3 მარტს "მარადონაზე" ჩემპიონები "იუვენტუსს" დაუხვდებიან.