სანდრო ბაზაძის ვერცხლი სეულის გრან-პრიზე

მსოფლიოს N1 ხმლით მოფარიკავე სანდრო ბაზაძე სეულის უპრესტიჟულეს გრან-პრის ვერცხლის მედლის მფლობელია.

წლის მესამე დასკვნით გრან-პრიზე ქართველმა მოფარიკავემ ტურნირი T64-დან დაიწყო და ფინალამდე ყველა მეტოქის დამარცხება შეძლო, ფინალში კი მსოფლიო რეიტინგის ყოფილ ლიდერ სამხრეთ კორეელ სანგუკ ოს შეხვდა და დრამატულ ბრძოლაში 15:14 დამარცხდა.

T64: სანდრო ბაზაძე-ჰაიატო ცუბო(იაპონია) 15:11,

T32: სანდრო ბაზაძე-ფარას არფა(კანადა) 15:13,

T16: სანდრო ბაზაძე-ალი პაკდამანი(ირანი) 15:9,

T8: სანდრო ბაზაძე-ჯუნჰო კიმი(სამხრეთ კორეა) 15:11,

1/2 ფინალი: სანდრო ბაზაძე-მატეო ნერი(იტალია) 15:14,

ფინალი: სანდრო ბაზაძე-სანგუკ ო(სამხრეთ კორეა) 14:15

შეგახსენებთ, რომ 2022/23 წლების სეზონის პირველ გრან-პრიზე ტუნისში სანდრო ბაზაძემ ოქროს მედლის მოგება შეძლო, ხოლო მეორე გრანპრიზე მონრეალში ვერცხლის მედალს დასჯერდა.

ასევე გრძელდება ქართველი მოფარიკავეს უნიკალური სერია: სანდრო ბაზაძე გასული სეზონიდან მოყოლებული ზედიზედ მეათე პრესტიჟული ტურნირის(მსოფლიო ჩემპიონატი, ევროპის ჩემპიონატი, გრან-პრი, მსოფლიო თასი) საუკეთესო სამეულშია. სულ მალე სანდრო მონაწილეობას მიიღებს ევროპულ თამაშებზე, რომელიც პოლონეთში 21 ივნისიდან დაიწყება და კვლავ შეეცდება მედლის მოპოვებას და სერიის გაგრძელებას.