პუტინმა 100 ათასამდე უკრაინელი ლტოლვილი ციმბირში გადაასახლა - ბრიტანული მედია

ვლადიმირ პუტინმა 100 ათასამდე უკრაინელი ლტოლვილი რუსეთის შორეულ ადგილებში გადაასახლა, მათ შორის ციმბირში, - ინფორმაციას ბრიტანული მედია ავრცელებს.

მათივე ცნობით, მოსკოვმა გასულ თვეში გამოსცა სასწრაფო ბრძანება, რომლის მიხედვითაც, რუსეთის, უკრაინის კონტროლირებადი ტერიტორიის და დონეცკის და ლუგანსკის ოკუპირებული ტერიტორიების 95 739 მცხოვრები თავიანთი სახლებიდან 5 500 მილის მანძილზე უნდა გადაესახლებინათ.

The i-ის ცნობით, რუსეთის მთავრობის ბრძანებულებით, 11 ათასი ადამიანი გაგზავნილია ციმბირში, 7 ათასი - შორეულ აღმოსავლეთში და 7 ათასი - ჩრდილოეთ კავკასიაში. The i-ის წყაროების თანახმად, უკრაინელები გადაასახლეს ჩეჩნეთში, ინგუშეთსა და დაღესტანში. ასევე, ნაწილი გაგზავნილია კურილის კუნძულებზე, რომელიც რუსეთის მიერ იაპონიისგან არის ოკუპირებული.

Independent წერს, რომ ეს ყოველივე ხდება არაერთი გავრცელებული ცნობის ფონზე იმის შესახებ, რომ ქრებიან რუსული ძალების მიერ უკანონოდ დაკავებული ადამიანები.

„მოსკოვის განკარგულებაში წერია, რომ "უკრაინაში არსებული ვითარების გათვალისწინებით", რუსეთის ფედერაცია "ამტკიცებს მოქალაქეების განაწილებას რუსეთის ფედერაციის შემადგენელ სუბიექტებზე" და ითხოვს 95 739 ადამიანის მიღების უზრუნველყოფას“ - წერს გამოცემა.

The i-ის ინფორმაციით, საპორტო ქალაქ მარიუპოლში მოქალაქეებს აიძულებდნენ, ხელი მოეწერათ დოკუმენტებზე, რომელშიც ნათქვამია, რომ მათი ქალაქი უკრაინის ჯარებმა დაბომბეს. წინააღმდეგ შემთხვევაში, მათ დევნით ემუქრებოდნენ და ეუბნებოდნენ, რომ უკრაინაში ვერასდროს დაბრუნდებოდნენ. 

ასევე დაგაინტერესებთ:

🔵 დავით სერგეენკო: დიდი ალბათობით, საპარლამენტო დელეგაცია უკრაინაში ამ კვირის ბოლოს გაემგზავრება

🔵 "უკრაინელმა ბიზნესმენმა ვებ - კამერაში  დაინახა, რუსები როგორ გამაგრდნენ მის ფეშენებელურ სახლში, საბრძოლო არსენალით - კოორდინატები უკრაინის თავდაცვის სამინისტროს მიაწოდა და სახლიან-რუსიან-ტექნიკიანად ააწევინა ჰაერში"

🔵 ლარი გაუფასურდა - ვალუტის კურსი