„ნამდვილი ლიდერის ნამდვილი სიტყვები“ - ზელენსკი ბაიდენის მიერ სიტყვა „გენოციდის“ გამოყენებაზე

უკრაინის პრეზიდენტმა ვოლოდიმირ ზელენსკიმ აშშ-ის პრეზიდენტ ჯო ბაიდენის მიერ უკრაინაში ომთან დაკავშირებით სიტყვა „გენოციდის“ გამოყენებას, ნამდვილი ლიდერის ნამდვილი სიტყვები უწოდა.

„მოვლენებისთვის სახელის დარქმევა მნიშვნელოვანია, რომ წინ აღვუდგეთ ბოროტებას. მადლიერი ვართ იმ დახმარებისთვის, რასაც ამერიკის შეერთებული შტატები გვიწევს და სასწრაფოდ გვესაჭიროება უფრო მძიმე შეიარაღება, რათა აღვკვეთოთ რუსეთის შემდეგი სისასტიკე“, – წერს  ვოლოდიმირ ზელენსკი მიკრობლოგ „ტვიტერზე“.

ცნობისთვის, ამერიკის შეერთებული შტატების პრეზიდენტმა, ჯო ბაიდენმა გაზის ტარიფის ზრდაზე საუბრისას უკრაინაში მიმდინარე ომი გენოციდად შეაფასა. ინფორმაციას „სიენენი“ ავრცელებს.

„თქვენი ოჯახის ბიუჯეტი, თქვენი საწვავის ავზის ავსების შესაძლებლობა, არც ერთი არ უნდა იყოს დამოკიდებული იმაზე, გამოაცხადებს თუ არა დიქტატორი ომს და ჩაიდენს თუ არა გენოციდს ნახევარი მსოფლიოს მოშორებით“, – განაცხადა აშშ-ის პრეზიდენტმა ამერიკელებისადმი მიმართვისას.

ჯო ბაიდენის თქმით, პუტინის მიერ ფასის გაძვირებასთან დაკავშირებით, ნებადართული ნავთობის სტრატეგიული რეზერვებიდან დღეში ერთი მილიონი ბარელის მოხმარების განკარგულებას გასცემს.

ასევე დაგაინტერესებთ:

🔵 „იტყუილები, მასე აკეთებს ყველა, როცა ომია, ქალებიც და ბავშვებიც კვდება ყველგან აბსოლუტურად“ - სასულიერო პირი ვახტანგ თოხაძე

🔵  „ქართული ოცნების“ საერთაშორისო პოლიტიკას დავარქვი ასინეთას პოლიტიკა - შეიძლება, ამ დონეზე დავიდეს? - ანა დოლიძე

🔵  „მათთან სამუდამო ვალში ვართ. ეს მუსიკა ჩემი სრულიად მოკრძალებული მადლობა და პატივისცემაა ჩვენი დევნილების მიმართ... თუ ეს რამეს ნიშნავს...“ - მაია ბუწაშვილი