რუსებს უკრაინაში მარაგები ეწურებათ - არ ყოფნით საკვები, საწვავი და ტექნიკური საბრძოლო აღჭურვილობა

რუს სამხედროებს უკრაინაში მარაგებთან დაკავშირებით პრობლემები აქვთ - არ ყოფნით საკვები, საწვავი და ეწურებათ ტექნიკური აღჭურვილობა.

ამის შესახებ აშშ-ის თავდაცვის დეპარტამენტის მაღალჩინოსანმა 22 მარტს პენტაგონში გამართულ დახურულ ბრიფინგზე განაცხადა, იუწყება რადიო თავისუფლება.

„მათ (ოკუპანტებს - რედ.) პრობლემები აქვთ საწვავთან და საკვებთან დაკავშირებით. ასევე აქვთ პრობლემა მარაგთან და  მართვადი საბრძოლო მასალის მხრივ. ეს ფართომასშტაბიანი ოპერაცია, რომელიც აქამდე არასდროს ჩაუტარებიათ,  უკვე ერთი თვეა გრძელდება და მათ  ჯერ კიდევ ვერ გადაჭრეს რესურსების შევსების პრობლემა“, - განაცხადა, პენტაგონის მაღალჩინოსანმა.

მისივე თქმით, რუს სამხედროებს პრობლემები აქვთ ლოჯისტიკის, კომუნიკაციისა და თბილი ტანსაცმლით უზრუნველყოფაშიც კი. მან დასძინა, რომ რუსი ჯარისკაცები მომარაგების პრობლემის  გამო მოყინვის ზღვარზე არიან.

"ჩვენ ასევე გვჯერა, რომ რუსებს აქვთ მართვისა და კონტროლის პრობლემა. კომუნიკაციების გარეშე რთულია ისეთი საკითხების მოწყობა, როგორიცაა ლოჯისტიკა და პოზიციებზე დაწინაურება", - თქვა ოფიციალურმა წარმომადგენელმა.

დიდი პრობლემაა რუსული სამხედრო გემებისთვის საწვავის დეფიციტიც.

შეგახსენებთ, რომ 22 მარტს უკრაინის შეიარაღებული ძალების გენერალურმა შტაბმა განაცხადა, რომ დამპყრობლებს აქვთ საბრძოლო მასალისა და საკვების მარაგი არაუმეტეს სამი დღისა. ანალოგიური სიტუაციაა საწვავთან დაკავშირებითაც.

ასევე დაგაინტერე­­­­სებთ:

🔵პუტინმა რუსეთის არმიის სარდლობას 7 მაისამდე უკრაინაზე „გამარჯვება“ უბრძანა

🔵რუსულ აგრესიას 121 ბავშვის სიცოცხლე შეეწირა და 167-მა მიიღო სხვადასხვა სიმძიმის დაზიანებები - უკრაინის გენპროკურატურა

🔵რუსებმა გაანადგურეს ჩერნობილში 6 მილიონი ევროს ღირებულების ტექნიკა