შეგიძლიათ მოგვცეთ თქვენი მთელი თვითმფრინავების 1%, თქვენი ყველა ტანკის 1%! ჩვენ უბრალოდ არ შეგვიძლია მათი ყიდვა - ზელენსკის ემოციური მიმართვა NATO-ს ქვეყნების ხელმძღვანელებს

უკრაინის პრეზიდენტმა ვოლოდიმირ ზელენსკიმ ნატოს ქვეყნების ხელმძღვანელებს მიმართა.

„დიახ, მართალია, ჩვენ არ ვართ ალიანსში. არც ერთი იმ 30 სახელმწიფოდან არ ვართ, რომელიც ექვემდებარება მე-5 მუხლს. ისეთი შეგრძნებაა, თითქოს ნაცრისფერ ზონაში ვართ - დასავლეთსა და რუსეთს შორის.  მაგრამ ჩვენ ვიცავთ ყველა ჩვენს საერთო ღირებულებას თქვენთან ერთად. 

24 თებერვალს მოგმართეთ სრულიად გასაგები და ლოგიკური თხოვნით - დაგვეხმარეთ, დახურეთ ცა ჩვენს თავზე.  დაიცავით ჩვენი ხალხი რუსული ბომბებისა და რაკეტებისგან, მაგრამ მკაფიო პასუხი ვერ მივიღეთ. თქვენ იცით, რომ უკრაინას არ გააჩნია ძლიერი რაკეტსაწინააღმდეგო იარაღი.  რუსეთზე გაცილებით მცირე საჰაერო ძალები ჰყავს. ამიტომ, მათი უპირატესობა ცაში არის მასობრივი განადგურების იარაღის გამოყენება. 

დარწმუნებული ვარ, გესმით, რომ რუსეთი არ ფიქრობს უკრაინაში გაჩერებაზე.  არ ფიქრობს და არც აპირებს.  მას სურს უფრო შორს წასვლა - ნატოს აღმოსავლელი წევრების წინააღმდეგ: ბალტიისპირეთის ქვეყნები, პოლონეთი - ეს უდავოა. 

შეგიძლიათ მოგვცეთ თქვენი მთელი თვითმფრინავების ერთი პროცენტი. თქვენი ყველა ტანკის ერთი პროცენტი.  ერთი პროცენტი!  ჩვენ უბრალოდ არ შეგვიძლია მათი ყიდვა. 

გთხოვთ, არასოდეს, არასოდეს გვითხრათ, რომ ჩვენი არმია არ აკმაყოფილებს ნატოს სტანდარტებს.  ჩვენ ვაჩვენეთ, თუ რა შეგვიძლია“,-განაცხადა ზელენსკიმ.

ასევე დაგაინტერე­­­­სებთ:

🔵სად გაქრა რუსეთის თავდაცვის მინისტრი?

🔵პატივს მიაგებს ყველა, ვინც როგორ ჩათვლის, ალბათ, მივლენ პანაშვიდზე – ბექა დავითულიანი უკრაინაში დაღუპულ მებრძოლებზე

🔵ამოვიდა ამდენი ნეგატივი ყელშიო… ბავშვები დახოცეს, ახალგაზრდები და მოხუცები… რომელ მონაკვეთში უნდა გავცვალოთ პოზიტივი? - სტეფანე მღებრიშვილი