ზელენსკი: გთხოვთ, აღარასოდეს გვითხრათ, რომ ჩვენი ჯარი არ აკმაყოფილებს ნატოს სტანდარტებს, ჩვენ ვაჩვენეთ ჩვენი სტანდარტები

„აღარასოდეს, გთხოვთ, არასოდეს გვითხრათ, რომ ჩვენი ჯარი არ აკმაყოფილებს ნატოს სტანდარტებს. ჩვენ ვაჩვენეთ, თუ რა შეუძლია ჩვენს სტანდარტებს. და რამდენი შეგვიძლია მივცეთ საერთო უსაფრთხოებისთვის ევროპასა და მსოფლიოს“  - ასე მიმართა უკრაინის პრეზიდენტმა ვოლოდიმირ ზელენსკიმ ნატოს სამიტის მონაწილეებს ბრიუსელში.

ბრიუსელში, NATO-ს შტაბ ბინაში, ალიანსის ლიდერების საგანგებო სხდომა მიმდინარეობს. 

„დიახ, ეს სიმართლეა, ჩვენ არ ვართ ალიანსში, მსოფლიოში ყველაზე ძლიერ თავდაცვით გაერთიანებაში. ისეთი გრძნობაა, რომ ნაცრისფერ ზონაში ვართ. დასავლეთსა და რუსეთს შორის. მაგრამ ვიცავთ ყველა ჩვენს საერთო ღირებულებას.

ჯერ კიდევ 24 თებერვალს მოგმართეთ სავსებით გასაგები, ლოგიკური თხოვნით, ჩვენი ცის დაკეტვის დახმარებისთვის. ნებისმიერ ფორმატში. დაცული იყოს ჩვენი ხალხი რუსული ბომბებისა და რაკეტებისგან. მკაფიო პასუხი ვერ მივიღეთ. უკრაინას არ აქვს ძლიერი ანტისარაკეტო იარაღი. იმაზე ნაკლები ავიაცია აქვს, ვიდრე რუსეთს. ამიტომაც მათი უპირატესობა ცაში - მასობრივი განადგურების იარაღის გამოყენებაა.

დარწმუნებული ვარ, გესმით, რომ რუსეთი არ ფიქრობს უკრაინაზე გაჩერებას. არ ფიქრობს და არ აპირებს. მას სურს უფრო შორს წასვლა. NATO-ს აღმოსავლელი წევრების წინააღმდეგ. ბალტიის ქვეყნების, პოლონეთის წინააღმდეგ - ეს უეჭველია. შეწყვეტს თუ არა მაშინ NATO ამაზე ფიქრს, როგორი რეაქცია ექნება NATO-ს? ვინ შეიძლება იყოს ამაში დარწმუნებული?.

შეგიძლიათ მოგვცეთ თქვენი თვითმფრინავების ერთი პროცენტი. ყველა თქვენი ტანკის ერთი პროცენტი. ერთი პროცენტი! ამის ყიდვა უბრალოდ არ შეგვიძლია - მსგავსი მოწოდებები პირდაპირ არის დაკავშირებული NATO-ს [პოლიტიკურ] გადაწყვეტილებაზე.

გთხოვთ, მეტჯერ არასდროს, არასდროს არ გვითხრათ, რომ ჩვენი არმია ვერ პასუხობს NATO-ს სტანდარტებს. ჩვენ ვაჩვენეთ, თუ რა შეუძლია ჩვენს სტანდარტებს და რამდენის გაცემა შეგვიძლია ევროპასა და მსოფლიოში საერთო უსაფრთხოებისთვის“, - უთხრა ნატოს ლიდერებს ზელენსკიმ.

სამიტის გახსნისას ნატოს გენერალურმა მდივანმა, იენს სტოლტენბერგმა განაცხადა, რომ უკრაინისთვის დახმარების გაწევის, ასევე, ალიანსის თავდაცვისუნარიანობის გაძლიერების საკითხს განიხილავენ.

ასევე საინტერესოა:

🔵 პატივს მიაგებს ყველა, ვინც როგორ ჩათვლის, ალბათ, მივლენ პანაშვიდზე – ბექა დავითულიანი უკრაინაში დაღუპულ მებრძოლებზე

🔵 სალომე ზურაბიშვილი თბილისის აეროპორტში უკრაინაში დაღუპული ქართველი მებრძოლების ჩამოსვენების ცერემონიას დაესწრო

🔵 უკრაინაში დაღუპული ქართველი მებრძოლების გიორგი ბერიაშვილის და დავით რატიანის ცხედრები საქართველოში ჩამოასვენეს