ჯო ბაიდენმა გააუქმა ბრძანებულება, რომელიც აშშ-ში იმიგრანტების შესვლას ზღუდავდა

ამერიკის შეერთებული შტატების პრეზიდენტმა, ჯო ბაიდენმა მისი წინამორბედის, დონალდ ტრამპის მიერ გამოცემული 7 ბრძანებულება გააუქმა. აღსანიშნავია, რომ პრეზიდენტმა ის აკრძალვაც გააუქმა, რომელიც ემიგრანტებს, რომლებმაც ვერ დაამტკიცეს, რომ მათ ჰქონდათ ჯანმრთელობის დაზღვევა ან ფინანსური შესაძლებლობა, რომ დაზღვევის ფული გადაეხადათ, ზღუდავდა.

„ჩემი ადმინისტრაცია მზად არის გააფართოოს ხელმისაწვდომობა ხარისხიან ჯანდაცვაზე. ჩვენ შეგვიძლია მივაღწიოთ ამ მიზანს, იმ ფაქტის გარეშე, რომ არ შეიზღუდოს იმიგრანტების შემოსვლა, რომლებიც ცდილობენ კანონიერად იმოგზაურონ ამ ქვეყანაში, მაგრამ მათ არ გააჩნიათ გარკვეული ფინანსები ან არ აქვთ შეძენილი ჯანმრთელობის დაზღვევა“, - განაცხადა ჯო ბაიდენმა.

გარდა ამისა, ბაიდენმა გააუქმა დადგენილება სოციალურ მედიაში ცენზურის დაწესების შესახებ, აგრეთვე ამერიკული ძეგლების, მემორიალებისა და ქანდაკებების დაცვა და ბოლოდროინდელი კრიმინალური ძალადობის წინააღმდეგ ბრძოლა, რომელიც დონალდ ტრამპმა გასულ წელს გამოსცა. პრეზიდენტმა  გააუქმა ამერიკელ გმირთა ეროვნული ბაღის შექმნის დადგენილებაც, ამერიკელების დაცვა ჭარბი კრიმინალიზაციისგან მარეგულირებელი რეფორმის გზით და ე.წ. საგარეო დახმარების „რებრენდინგზეც“ უარი თქვა.

დადგენილებას ბაიდენმა ხელი 14 მაისს მოაწერა.