აბას არაღჩი: ჩვენი ხალხისა და ხელმძღვანელობის წინააღმდეგ ნებისმიერ საფრთხეს დაუყოვნებლივი და ძლიერი რეაგირება მოჰყვება

ირანის საგარეო საქმეთა მინისტრი აბას არაღჩი ისრაელის თავდაცვის მინისტრის ისრაელ კაცის განცხადების საპასუხოდ აცხადებს, რომ აშშ-სა და ირანს შორის გაფორმებული ურთიერთგაგების მემორანდუმი აშშ-ის პრეზიდენტ დონალდ ტრამპს ავალდებულებს, „გააჩუმოს“ ისრაელი და მას ირანის წინააღმდეგ სამხედრო მუქარის განხორციელებაში ხელი შეუშალოს.

„ისლამაბადის ურთიერთგაგების მემორანდუმის პირობები აბსოლუტურად ნათელი და ყველასთვის საჯაროა. აშშ-ის პრეზიდენტი ვალდებულია, გააჩუმოს თავისი შინაური ცხოველები თელ-ავივში. თუ ისინი თავიანთ პატრონს უგულებელყოფენ, ირანი მათ ჭკუას ასწავლის. ჩვენი ხალხისა და ხელმძღვანელობის წინააღმდეგ ნებისმიერ საფრთხეს დაუყოვნებლივი და ძლიერი რეაგირება მოჰყვება“, - დაწერა არაღჩიმ X-ზე.

ცნობისთვის, ისრაელის თავდაცვის მინისტრმა ისრაელ კაცმა 29 ივნისს ისრაელის სამხედრო რეპორტიორებთან ბრიფინგზე განაცხადა, რომ ირანის ამჟამინდელი უზენაესი ლიდერი მოჯთაბა ხამენეი „სიკვდილისთვისაა განწირული“ და მიუხედავად იმისა, რომ თეირანი ცდილობს „დათმობების მიღებას“ ვაშინგტონთან მოლაპარაკებებში, ისრაელი „არ დაუშვებს ირანის მიერ ბირთვული იარაღის შემუშავებას. თუ შეთანხმებით ეს მიიღწევა, მით უკეთესი“.

The terms of the Islamabad MoU are crystal clear and public for all to see.

POTUS has committed the U.S. to muzzling its pets in Tel Aviv. If they ignore their master, Iran will school them.

Any threat against our People and Leadership will receive Immediate Powerful Response. pic.twitter.com/VrKa259gYd

— Seyed Abbas Araghchi (@araghchi) July 1, 2026