ფინანსთა და ჯანდაცვის მინისტრების შემდეგ, თანამდებობა კიდევ სამმა ბრიტანელმა მაღალჩინოსანმა დატოვა

ფინანსთა და ჯანდაცვის მინისტრების შემდეგ, თანამდებობა კიდევ სამმა ბრიტანელმა მაღალჩინოსანმა დატოვა.

შედარებით მაღალი რანგის თანამდებობებიდან გადადგა ბავშვთა და ოჯახთა მინისტრი, უილ ქუინსი.

ამ დრომდე თანამდებობა 13-მა მაღალჩინოსანმა დატოვა. აქედან მხოლოდ 2 არის უმაღლესი რანგის მინისტრი, 3 დაბალი რანგის მინისტრი, 5 მინისტრის დამხმარე და 3 სავაჭრო ელჩი.

ბოლო რამდენიმე თვეა, რაც ბორის ჯონსონი პოლიტიკური კრიზისის პირისპირ დგას. გასულ თვეში ბრიტანეთის პარლამენტმა განიხილა ბორის ჯონსონისადმი უნდობლობის გამოცხადების შესაძლებლობა. ბორის ჯონსონმა პარლამენტში უნდობლობა დაძლია. ჯონსონი შესაძლოა კიდევ ერთხელ აღმოჩნდეს უნდობლობის გამოცხადების შესაძლებლობის პირისპირ.

ჯონსონის უნდობლობის საკითხის პარლამენტში დაყენება "Partygate"-ის სკანდალს მოჰყვა, რომელიც პრემიერმინისტრისა და მმართველი პარტიის წევრების მიერ კოვიდრეგულაციების დარღვევით მთავრობის რეზიდენციაში 12 წვეულების გამართვას გულისხმობს.

აღნიშნულ საქმეს მეტროპოლიტენის პოლიცია იძიებს.

პრემიერმინისტრმა მაშინ თქვა, რომ წვეულებაზე 25 წუთი გაატარა და შემდეგ მუშაობა გააგრძელა. ჯონსონის თქმით, მას ეგონა, რომ შეკრება სამუშაო ღონისძიება იყო.

მთავრობის რეზიდენციაში წვეულებები მაშინ ჩატარდა, როცა დიდ ბრიტანეთში კორონავირუსის გავრცელების წინააღმდეგ მკაცრი ლოკდაუნი იყო დაწესებული, აკრძალული იყო ხალხმრავალი შეკრებები.

დიდი ბრიტანეთის პრემიერმინისტრმა ბორის ჯონსონმა 2020 წლის 20 მაისს მთავრობის ოფიციალურ რეზიდენციაში წვეულებაზე დასწრებისთვის ბოდიში მოიხადა.

ასევე დაგაინტერესებთ:

* კალა-უშგულის მონაკვეთზე გზას ჩამოშლილი მიწისა და კლდისგან წმენდენ - მოძრაობა რამდენიმე საათში აღდგება

* ეგვიპტის ტურისტული ქალაქის სანაპიროსთან ზვიგენების თავდასხმის შედეგად ორი ქალი დაიღუპა