"მსოფლიომ არ უნდა დაუშვას ის, რაც უკვე მოხდა 2008 წელს საქართველოში" - ზელენსკი

უკრაინის პრეზიდენტი მოუწოდებს მსოფლიოს, 2008 წელს საქართველოში დაშვებული შეცდომები არ გაიმეორონ.

ვოლოდიმირ ზელენსკი დასავლეთს რუსეთის აგრესიის წინააღმდეგ სანქციების დაწესებას ითხოვს.

"რუსეთის ესკალაცია უკრაინის წინააღმდეგ არა მხოლოდ უკრაინისთვის, არამედ ევროპისთვის და მთელი მსოფლიოსთვისაა გამოწვევა.

უკრაინაში ევროპის უსაფრთხოების საკითხი წყდება.

ევროპა და მსოფლიო ვერ გაიმეორებს იმ შეცდომებს, რომელიც ჯერ კიდევ 2008 წელს იქნა დაშვებული საქართველოში.

მოვითხოვთ სანქციების ახალ პაკეტს რუსეთის აგრესიის წინააღმდეგ.

მივიღე დოკუმენტი საგარეო საქმეთა სამინისტროსგან, რომელშიც გათვალისწინებულია რუსეთთან დიპლომატიური კავშირის გაწყვეტა, მე ამ და სხვა საკითხებსაც განვიხილავ", - აცხადებს უკრაინის პრეზიდენტი ვლადიმირ ზელენსკი.

21 თებერვალს რუსეთის პრეზიდენტმა ვლადიმერ პუტინმა, ოკუპირებული ლუგანსკი და დონეცკი ე.წ. დამოუკიდებელ სახელმწიფოებად აღიარა. მანამდე 15 თებერვალს რუსეთის დუმამ პრეზიდენტს მიმართა, რომ ოკუპირებული ლუგანსკისა და დონეცკის დამოუკიდებლობა აღიაროს. ლუგანსკისა და დონეცკის რეგიონებმა უკრაინისგან დამოუკიდებლობა 2014 წლის მაისში გამოაცხადეს. რეგიონების დამოუკიდებლობას არ აღიარებს კიევი. ორივე ე.წ. რესპუბლიკა აღიარებული აქვს მხოლოდ რუსეთის მიერ ოკუპირებულ, ცხინვალის რეგიონს.

ამავე თემაზე:

🔴 "აშშ რუსეთს დამატებით სანქციებს უახლოეს საათებში დაუწესებს" - თეთრი სახლი

🔴 დიდი ბრიტანეთი, უკრაინაში მოსკოვის ქმედებების საპასუხოდ, 5 რუსული ბანკის წინააღმდეგ სანქციებს აწესებს

🔴 იტალიის პრემიერი: “უპირველეს ყოვლისა, მტკიცედ ვგმობ რუსეთის მთავრობის გადაწყვეტილებას! სუვერენიტეტის დაუშვებელი დარღვევა“