თურქეთმა და შეერთებულმა შტატებმა სახელმწიფოთაშორის ბირთვულ შეთანხმებას ხელი მოაწერეს

25 სექტემბერს თურქეთმა და შეერთებულმა შტატებმა ხელი მოაწერეს ურთიერთგაგების მემორანდუმს ბირთვული ენერგიის სფეროში ქვეყნებს შორის თანამშრომლობის შესახებ. ამის შესახებ თურქეთის ენერგეტიკის მინისტრმა ალპარსლან ბაირაქტარმა სოციალურ ქსელ X-ზე დაწერა.

მინისტრის თქმით, დოკუმენტს ხელი თეთრ სახლში აშშ-ის პრეზიდენტ დონალდ ტრამპსა და თურქეთის პრეზიდენტ რეჯეფ თაიფ ერდოღანს შორის შეხვედრის შემდეგ მოეწერა.

„შეხვედრის შემდეგ ლიდერების თანდასწრებით, აშშ-ის სახელმწიფო მდივან მარკო რუბიოსთან ერთად, ხელი მოვაწერეთ სამოქალაქო ბირთვული ენერგიის სფეროში სტრატეგიული თანამშრომლობის შესახებ ურთიერთგაგების მემორანდუმს. იმედი მაქვს, რომ ამ შეთანხმების ფარგლებში განხორციელებული სამუშაოები უახლოეს მომავალში ორივე ქვეყანას ორმხრივ სარგებელს მოუტანს“, - წერს ბაირაქტარი.

აღსანიშნავია, რომ პრეზიდენტმა ტრამპმა თეთრ სახლში შეხვედრის დროს განაცხადა, რომ ერდოღანი როგორც კიევის, ასევე მოსკოვის პატივისცემით სარგებლობს და მას შეუძლია უკრაინაში მშვიდობის დამყარება. თუმცა, ეს მხოლოდ იმ შემთხვევაში მოხდება, თუ თურქეთი რუსული ენერგორესურსების ყიდვას შეწყვეტს.

Cumhurbaşkanımız Sayın @RTErdogan ile Amerika Birleşik Devletleri Başkanı Sayın Donald Trump'ın Beyaz Saray’da gerçekleştirdiği görüşmeye katılım sağladık.

Türkiye ile Amerika Birleşik Devletleri arasındaki köklü ve çok boyutlu ortaklığı nükleer enerji alanında daha da… pic.twitter.com/ci7InzI4GZ

— Alparslan Bayraktar (@aBayraktar1) September 25, 2025