„ვაქცინის წინააღმდეგი არ ვარ, მაგრამ თასებს დავთმობ, თუ მეტყვიან, რომ ავიცრა“ - ნოვაკ ჯოკოვიჩი

სერბი ჩოგბურთელი, ნოვაკ ჯოკოვიჩი აცხადებს, რომ ურჩევნია, უარი თქვას მომდევნო საჩოგბურთო თასებზე, თუ დააძალებენ, რომ კორონავირუსის საწინააღმდეგო ვაქცინა გაიკეთოს, - ამის შესახებ BBC წერს.

ექსკლუზიურ ინტერვიუში ჩოგბურთელმა თქვა, რომ არ უნდა ასოცირდებოდეს ანტივაქსერულ მოძრაობასთან, თუმცა, მხარს უჭერს ინდივიდუალური არჩევანის უფლებას.

ჯოკოვიჩს ჰკითხეს, ვაქცინასთან დაკავშირებული პოზიციის გამო, გასწირავდა თუ არა ისეთ შეჯიბრებებში მონაწილეობის შანსს, როგორებიცაა უიმბლდონის ტურნირი და საფრანგეთის ღია პირველობაა, რაზედაც მან თქვა: „დიახ, ესაა ფასი, რომლის გადახდისთვისაც მზად ვარ“.

„არასდროს ვყოფილვარ ვაქცინაციის წინააღმდეგი, ბავშვობაშიც მაქვს აცრები გაკეთებული, მაგრამ ყოველთვის მხარს ვუჭერდი არჩევანის თავისუფლებას იმის გადასაწყვეტად, თუ რას შეუშვებ საკუთარ ორგანიზმში“, - ამბობს ჯოკოვიჩი.

აუცრელობის გამო, სპორტსმენს ავსტრალიის ღია პირველობაში მონაწილეობის უფლება არ მისცეს. 16 იანვარს, ავსტრალიაში, სამი მოსამართლისგან შემდგარმა კოლეგიამ გადაწყვიტა, რომ ქვეყნის იმიგრაციის მინისტრის მიერ ნოვაკ ჯოკოვიჩისთვის ვიზის გაუქმება კანონიერი იყო. შესაბამისად, მსოფლიოს პირველ ჩოგანს ქვეყნის დატოვება მოუწია.

ასევე საინტერესოა:

🔵 თამაზ მეჭიაური გარდაიცვალა

🔵 „გვითხრეს, რომ 16 თებერვალი იქნება თავდასხმის დღე“ -უკრაინის პრეზიდენტის საგანგებო მიმართვა

🔵 დამოუკიდებელი იურისტები: ჯაფარიძეს, ხაზარაძეს და წერეთელს განაჩენი გამოუტანეს კანონმდებლობის დარღვევით