ყახაზეთში შეტაკებებს 13 პოლიციელი ემსხვერპლა, მათ შორის 2 მათგანს აქციის მონაწილეებმა თავი მოჰკვეთეს

ყაზახეთში დემონსტრანტებსა და პოლიციელებს შორის დაპირისპირებას, მედიაში გავრცელებული ინფორმაციით, 13 სამართალდამცველი ემსხვერპლა, მათ შორის 2 პოლიციელს აქციის მონაწილეებმა თავი მოჰკვეთეს.

"ალ ჯაზირას" ცნობით, იზრდება მსხვერპლი აქტივისტების მხარესაც.

ღამის განმავლობაში მომხდარ არეულობას ათობით დემონსტრანტი ემსხვერპლა.

ცნობისთვის, ყაზახეთში ვითარება დაძაბულია. ქვეყნის მთავრობა გადადგა, პრეზიდენტი ყასიმ-ჟომართ თოყაევი კი დემონსტრანტებს ცვლილებებს დაჰპირდა, თუმცა ამისდა მიუხედავად საპროტესტო ტალღა არ შეწყვეტილა. ქალაქ ალმათიში დემონსტრანტებმა დაიკავეს მერიის შენობა. საგანგებო მდგომარეობა გამოცხადებულია მთელ ქვეყანაში.

ბოლო ინფორმაციით, ამ ეტაპზე შეტაკებები ქალაქ ალმათის მთავარ მოედანზე მიმდინარეობს. ადგილზე 50-მდე სამხედრო ტექნიკაა. მათ შორის, ჯავშანტრანსპორტი და სამხედრო სატვირთო მანქანები შეიარაღებული უსაფრთხოების ძალებით.

როგორც ცნობილია, ყირგიზეთი მზადაა ყაზახეთს დაეხმაროს. ამის შესახებ ქვეყნის პრემიერმინისტრმა აკილბეკ ჟაპაროვმა მთავრობის სხდომაზე თქვა და აღნიშნა, რომ ყირგიზეთი მზადაა შეასრულოს თავისი ვალდებულება, როგორც კოლექტიური უსაფრთხოების შეთანხმების ორგანიზაციის (ОДКБ) წევრმა ქვეყანამ.

ყაზახეთში სამხედროების შეყვანა დაიწყო რუსეთმა.

დღის სიახლეები:

🔳 "გამოცდილება ადასტურებს რომ დასახმარებლად მისული რუსული ჩექმა ძნელად, ან აღარასოდეს ტოვებს ქვეყანას" - თინა ხიდაშელი ყაზახეთის მოვლენებზე