ზელენსკი: ახლა უკრაინაზე ზეწოლა ერთ-ერთი ყველაზე მძიმეა, ახლა უკრაინა შესაძლოა ძალიან რთული არჩევანის წინაშე აღმოჩნდეს - ან ღირსების დაკარგვა, ან ძირითადი პარტნიორის დაკარგვის რისკი

უკრაინის პრეზიდენტმა, ვოლოდიმირ ზელენსკიმ განაცხადა, რომ ახლა უკრაინისთვის ისტორიაში ერთ-ერთი ყველაზე მძიმე მომენტია, რადგან ის რთული არჩევანის წინაშე დგას.

„ახლა ჩვენი ისტორიის ერთ-ერთი ყველაზე მძიმე მომენტია. ახლა უკრაინაზე ზეწოლა ერთ-ერთი ყველაზე მძიმეა. ახლა უკრაინა შესაძლოა ძალიან რთული არჩევანის წინაშე აღმოჩნდეს - ან ღირსების დაკარგვა, ან ძირითადი პარტნიორის დაკარგვის რისკი. ან 28 პუნქტი, ან უმძიმესი ზამთარი, ყველაზე რთული და შემდგომი რისკები. სიცოცხლე თავისუფლების, ღირსების, სამართლიანობის გარეშე და ისე, რომ ვენდოთ მას, ვინც უკვე ორჯერ დაგვესხა თავს. ჩვენგან პასუხს ელოდებიან“, - აღნიშნა უკრაინის პრეზიდენტმა.

მან ხაზგასმით აღნიშნა, რომ ეროვნული უკრაინული ინტერესი უნდა იყოს გათვალისწინებული.

„ჩვენ ხმამაღალ განცხადებებს არ ვაკეთებთ. ჩვენ მშვიდად ვიმუშავებთ ამერიკასთან და ყველა პარტნიორთან. ჩვენს მთავარ პარტნიორთან ერთად გადაწყვეტილებების კონსტრუქციული ძიება იქნება. მე მოვიყვან არგუმენტებს, დავარწმუნებ, შევთავაზებ ალტერნატივებს, მაგრამ ზუსტად ვიცით, რომ მტერს არ მივცემთ საბაბს თქვას, რომ უკრაინას არ სურს მშვიდობა, რომ უკრაინა ის არის, ვინც პროცესს აფერხებს და რომ უკრაინა არ არის მზად დიპლომატიისთვის“, - დასძინა ზელენსკიმ.