ახალციხის მუნიციპალიტეტის მერი ვარლამ წიკლაური, საკრებულოს თავმჯდომარე საბა კბილაშვილი და მათი მოადგილეები „სოფლის მხარდაჭერის პროგრამის“ ფარგლებში გამართულ შეხვედრებს დაესწრნენ

ახალციხის მუნიციპალიტეტის მერი ვარლამ წიკლაური, საკრებულოს თავმჯდომარე საბა კბილაშვილი და მათი მოადგილეები „სოფლის მხარდაჭერის პროგრამის“ ფარგლებში გამართულ შეხვედრებს დაესწრნენ, - ინფორმაციას ახალციხის მუნიციპალიტეტის მერია ავრცელებს.

უწყების ცნობით, პრიორიტეტების შერჩევის მიზნით, საერთო კრებები სოფლებში- ანში, ჭვინთასა და ელიაწმინდაში გაიმართა.

„შეხვედრებზე სოფლებში არსებულ გამოწვევებსა და მათი გადაჭრის გზებზე იმსჯელეს.

ადგილობრივებმა ხმათა უმრავლესობით ძირითადი პრიორიტეტები თავად შეარჩიეს:

სოფელი ანი - სანიაღვრე არხების მოწყობა;
სოფელი ჭვინთა - შიდა საავტომობილო გზის რეაბილიტაცია;
სოფელი ელიაწმინდა - სასმელი წყლის სისტემის რეაბილიტაცია;
პროგრამის განსახორციელებლად, მუნიციპალიტეტს საქართველოს რეგიონებში განსახორციელებელი პროექტების ფონდიდან 612 ათასი ლარი გამოეყო, რასაც ადგილობრივი ბიუჯეტიდან თანადაფინანსებაც დაემატება.

დაგეგმილი შეხვედრები 18 თებერვალს დაიწყო და 9 მარტს დასრულდება. შერჩეული პრიორიტეტები დასამტკიცებლად საკრებულოს წარედგინება და საპროექტო-სახარჯთაღრიცხვო დოკუმენტაციის შესყიდვის პროცედურები დაიწყება“, - აღნიშნულია გავრცელებულ ინფორმაციაში.