დავით მათიკაშვილი აშშ-ის იუსტიციის დეპარტამენტის მიერ გამოქვეყნებულ დოკუმენტზე: „ნაცმოძრაობის" და მათი პატრონების ლობისტური ტანდემი თავიდან ბოლომდე გაშიფრულია

„ნაცმოძრაობის" და მათი პატრონების ლობისტური ტანდემი თავიდან ბოლომდე გაშიფრულია, რომლის მიზანსაც ჩვენი ქვეყნის შესახებ დეზინფორმაციის გავრცელება და პროპაგანდა წარმოადგენდა", - განაცხადა საპროცედურო საკითხთა საპარლამენტო კომიტეტის თავმჯდომარემ დავით მათიკაშვილმა შეერთებული შტატების იუსტიციის დეპარტამენტის მიერ გამოქვეყნებულ დოკუმენტზე საუბრისას.

როგორც ცნობილია, აშშ-ის იუსტიციის დეპარტამენტის უცხოელი აგენტების რეესტრის გვერდზე გამოქვეყნდა დოკუმენტი, რომელიც პარტია „ნაციონალური მოძრაობის“ მიერ დაქირავებული ლობისტურ კომპანიის, „ნელსონ მალინსის“ გაწეულ სამუშაოს ასახავს.

„მათ შორის, საგულისხმოა, რომ ეს მავნებლური BBC-ის რეპორტაჟი, რომელიც ეხებოდა თითქოს ჩვენი ქვეყნის მიერ რაიმე ფორმით ქიმიური ნივთიერის გამოყენებას საკუთარი მოქალაქეების მიმართ, იყო აქტიურად და ლობისტურად მხარდაჭერილი შეერთებულ შტატებში სხვადასხვა მედია საშუალების მიერ.

ეს დროშიც ზუსტად ემთხვევა BBC-ის მიერ გაკეთებულ რეპორტაჟს, ამიტომ, ცალსახაა, რომ გამჭვირვალობის შესახებ კანონმდებლობა - „ფარა", არის უმნიშვნელოვანესი ასპექტი იმისათვის, რომ როგორც ქვეყნის შიგნით არსებული მავნებლური და აგენტურული მოქმედება, ასევე ქვეყნის ფარგლებს გარეთ, შეერთებულ შტატებში "ნაცმოძრაობის" და მათი პატრონების მიერ საკუთარი სამშობლოს წინააღმდეგ განხორციელებული ქმედებები, იყოს ჩვენი საზოგადოების მიერ გააზრებული და სწორი გადაწყვეტილებები მიღებული,"- განაცხადა დავით მათიკაშვილმა.

გამოქვეყნებული დოკუმენტით ირკვევა, რომ „ნაციონალური მოძრაობა“, ლობისტური ჯგუფის საშუალებით, პიარ კამპანიას აწარმოებს 2025 წლის ივლისიდან დღემდე.