"ფინეთი მტკიცედ უჭერს მხარს საქართველოს სუვერენიტეტს" - ოკუპირებულ რეგიონში გამართული ე.წ. არჩევნები დაგმო ფინეთმა

სამხრეთ კავკასიაში ფინეთის დიპლომატიური წარმომადგენლობის მიერ "ტვიტერში" გავრცელებულ განცხადების თანახმად, ფინეთი გმობს უკანონო არჩევნებს სამხრეთ ოსეთში, რომელიც რუსეთის მიერ ოკუპირებულია და წარმოადგენს საქართველოს ერთ-ერთ რეგიონს.

„ევროკავშირი არ ცნობს იმ კონსტიტუციურ და სამართლებრივ ჩარჩოს, რომელშიც ე.წ. საპრეზიდენტო არჩევნები ჩატარდა საქართველოს სეპარატისტულ სამხრეთ ოსეთში/ცხინვალში, რამდენადაც არც სახელმწიფოა და არც სახელმწიფო ინსტიტუტები.

ფინეთი მტკიცედ უჭერს მხარს საქართველოს სუვერენიტეტს“, – აღნიშნულია განცხადებაში.

საქართველოს საგარეო საქმეთა სამინისტრო გმობს ოკუპირებულ ცხინვალის რეგიონში/სამხრეთ ოსეთში გამართულ ე.წ. საპრეზიდენტო არჩევნებს და აცხადებს, რომ აღნიშნული ქმედება წარმოადგენს საქართველოს სუვერენიტეტისა და ტერიტორიული მთლიანობის წინააღმდეგ მიმართულ რუსეთის ფედერაციის მორიგ უკანონო აქტს, რომელიც სრულად ეწინააღმდეგება საერთაშორისო სამართლის ნორმებსა და პრინციპებს.

ოკუპირებულ რეგიონში გამართული ე.წ. არჩევნები დაგმო ამერიკის საელჩომ საქართველოში, ასევე საქართველოში ევროკავშირის წარმომადგენლობამ, ლატვიამ, ლიეტუვამ, გერმანიამ და უკრაინამ.

ასევე დაგაინტერესებთ:

🔳 მარიუპოლის შტურმით აღებას 10 000 რუსი ოკუპანტი ცდილობს

🔳 არის თუ არა სათანადო, რომ "არასათანადო" უწოდო მიწვევას, ჩამოხვიდე მეგობარ ქვეყანაში და ნახო მისი გაჭირვება, გაიზიარო მისი მწუხარება, გამოხატო მხარდაჭერა სიტყვებით? - უკრაინის რადის თავმჯდომარე შალვა პაპუაშვილს