GORBI: გამოკითხულთა 91% ჯარს, 70% - პოლიციას, 68% - თვითმმართველობას, 65% - მთავრობას, 62% - პარლამენტს, 60% - პრეზიდენტს ენდობა

 ტელეკომპანია „იმედის“ დაკვეთით GORBI საზოგადოებრივი აზრის კვლევის შედეგებს აქვეყნებს.

კითხვაზე, რამდენად ენდობით შემდეგ ინსტიტუტებს: ჯარი, პოლიცია, ადგილობრივი თვითმმართველობა, მთავრობა, პარლამენტი, პრეზიდენტი, სასამართლო სისტემა, „გორბის“ მიერ ჩატარებული საზოგადოებრივი აზრის კვლევის მიხედვით, გამოკითხულთა 91%-მა განაცხადა, რომ ენდობა ჯარს.

კითხვაზე, რამდენად ენდობით შემდეგ ინსტიტუტებს? მიღებული პასუხები შემდეგნაირად გადანაწილდა: 👇

✔️ ჯარს - 91%

✔️ პოლიციას ენდობა 70%

✔️ადგილობრივი თვითმმართველობას - 68%

✔️ მთავრობას - 65%

✔️ პარლამენტს - 62%

✔️ პრეზიდენტს - 60%

✔️ სასამართლო სისტემას - 55%

ტელეკომპანია „იმედის“ დაკვეთით საქართველოს საზოგადოებრივი აზრისა და ბიზნესის კვლევის საერთაშორისო ცენტრმა „გორბიმ“ საზოგადოებრივი აზრის კვლევა თბილისისა და ქვეყნის მასშტაბით, პირისპირი ინტერვიუირების მეთოდის გამოყენებით ჩაატარა.

საველე სამუშაოები 2025 წლის 22 ივნისი- 5 ივლისს შესრულდა. შედგა 2 300 პირისპირი ინტერვიუ საქართველოს ზრდასრულ მოქალაქესთან (18 წლის და მეტი ასაკის).

წარმოდგენილი მონაცემები შეწონილია როგორც დემოგრაფიული, ასევე, პოლიტიკური წონით (2024 წლის საპარლამენტო არჩევნებში გაცხადებული ხმის მიცემის და ოფიციალური შედეგების თანაფარდობით) და წარმოდგენილია სავარაუდო ამომრჩევლის ჭრილში.

სავარაუდო ამომრჩეველი გამოვლინდა არჩევნებში მონაწილეობის მზაობასთან დაკავშირებულ შეკითხვებზე გაცემული პასუხებიდან გამომდინარე. ცდომილების ზღვარი: +/-3% სავარაუდო ამომრჩეველი, ქვეყნის მასშტაბით.