„გორბის“ კვლევა: გამოკითხულთა 63% მიიჩნევს, რომ მომავალი არჩევნები სამართლიანი და დემოკრატიული იქნება

 კითხვაზე, ამ შემოდგომაზე საქართველოში არჩევნები ჩატარდება - თქვენი აზრით, მომავალი არჩევნები სამართლიანი და დემოკრატიული იქნება? - „გორბის“ მიერ ჩატარებული საზოგადოებრივი აზრის კვლევის მიხედვით, გამოკითხულთა 63%-მა განაცხადა, რომ დიახ, არჩევნები სამართლიანი და დემოკრატიული იქნება.

29%-მა განაცხადა - არასამართლიანი და არადემოკრატიული იქნება, ხოლო 8%-მა არ იცის, ან უარს აცხადებს პასუხზე.

ტელეკომპანია „იმედის“ დაკვეთით საქართველოს საზოგადოებრივი აზრისა და ბიზნესის კვლევის საერთაშორისო ცენტრმა „გორბიმ“ საზოგადოებრივი აზრის კვლევა თბილისისა და ქვეყნის მასშტაბით, პირისპირი ინტერვიუირების მეთოდის გამოყენებით ჩაატარა.

საველე სამუშაოები 2025 წლის 22 ივნისი -5 ივლისს შესრულდა. შედგა 2300 პირისპირი ინტერვიუ საქართველოს ზრდასრულ მოქალაქესთან (18 წლის და მეტი ასაკის).

წარმოდგენილი მონაცემები შეწონილია როგორც დემოგრაფიული, ასევე, პოლიტიკური წონით (2024 წლის საპარლამენტო არჩევნებში გაცხადებული ხმის მიცემის და ოფიციალური შედეგების თანაფარდობით) და წარმოდგენილია სავარაუდო ამომრჩევლის ჭრილში.

სავარაუდო ამომრჩეველი გამოვლინდა არჩევნებში მონაწილეობის მზაობასთან დაკავშირებულ შეკითხვებზე გაცემული პასუხებიდან გამომდინარე. ცდომილების ზღვარი: +/-3% სავარაუდო ამომრჩეველი, ქვეყნის მასშტაბით.