„გრძნობენ რაღაც ტიპის საფრთხეს რუსეთის მხრიდან თითქოს და უნდათ, რომ ისრები ჩვენკენ გადმოიტანონ და გამოიწვიონ ქვეყანაში რევოლუცია“ - მაჭავარიანი ბალტიისპირეთის ქვეყნებზე

„საქმე გვაქვს პირდაპირ ასმაგ სტანდარტთან მათი მხრიდან და ეს მარტივად იხსნება. ისინი გრძნობენ რაღაც ტიპის საფრთხეს რუსეთის მხრიდან თითქოს და უნდათ, რომ ისრები ჩვენკენ გადმოიტანონ და გამოიწვიონ ქვეყანაში რევოლუცია“, - ამის შესახებ ფრაქცია „ქართული ოცნების“ თავმჯდომარის მოადგილემ ლევან მაჭავარიანმა ბალტიისპირეთის ქვეყნებში ყოფილი პრეზიდენტის სალომე ზურაბიშვილის ვიზიტზე საუბრისას განაცხადა.

დეპუტატის თქმით, სავარაუდოდ, ზურაბიშვილი მათგან ახალ ინსტრუქციებს მიიღებს.

„საქმე გვაქვს პირდაპირ ასმაგ სტანდარტთან მათი მხრიდან და ეს მარტივად იხსნება - ისინი გრძნობენ რაღაცა ტიპის საფრთხეს რუსეთის მხრიდან და უნდათ, ისრები ჩვენკენ გადმოიტანონ, აქ შექმნან ქაოსური სიტუაცია, გამოიწვიონ ქვეყანაში რევოლუცია იმისათვის, რომ „დიფ სთეითის“ მიერ მართულმა აგენტებმა, ისევე როგორც მათი ქვეყნის ლიდერშიპი არის, ასევე, ჩვენი ოპოზიცია, უკვე აქ გახსნან მეორე ფრონტი და ის რისკი, რასაც ლატვიელები, ლიეტუველები და ესტონელები ხედავენ თავიანთი ქვეყნების მიმართ, უკვე ეს რისკი მთლიანად გადმოვიდეს საქართველოზე. ეს არის საბჭოური მეთოდებით ბრძოლა.

ახლა მიპატიჟებული ჰყავთ ქალბატონი ზურაბიშვილი, სავარაუდოდ, იქ ახალ ინსტრუქციებს მიიღებს. ეს ყველაფერი, რა თქმა უნდა, ძალიან სამწუხაროა, ვინაიდან ჩვენ ხალხებს შორის არის ძალიან დიდხნიანი მეგობრული ურთიერთობა“, - აღნიშნავს მმართველი გუნდის დეპუტატი.