გურამ მაჭარაშვილი: წარმოიდგინეთ, რამდენად უღირთ ებრძოლონ ბიძინა ივანიშვილის, არად დაგიდევენ იმას, რომ შვეიცარიული საბანკო სისტემის სანდოობის ხარისხი პრაქტიკულად ნულზე დავარდა

რამდენად უღირს დიფ სთეითს, ებრძოლოს ბიძინა ივანიშვილის, რომ არად დაგიდევენ იმას, რომ შვეიცარიულ საბანკო სისტემას სანდოობის ხარისხი პრაქტიკულად ნულზე დაუვარდა, - განაცხადა „ხალხის ძალის“ აღმასრულებელმა მდივანმა, გურამ მაჭარაშვილმა.

დეპუტატი გამოეხმაურა ბიძინა ივანიშვილის ადვოკატის, თეიმურაზ წიქვაძის მიერ გავრცელებულ წერილს.

„ადვოკატის ეს განცხადება მორიგი მტკიცებულებაა იმის, რომ ამ ადამიანს ჯერ კიდევ 2018 წლიდან დაუწყეს პრობლემების [შექმნა] და განსაკუთრებით ბოლო 2-3 წლის განმავლობაში აბსოლუტურად უსაფუძვლოდ პრაქტიკულად გაუყინეს მილიარდობით თანხა. წარმოიდგინეთ, რამდენად უღირს დიფ სთეითს, ებრძოლოს ბიძინა ივანიშვილის, რომ არად დაგიდევენ იმას, რომ შვეიცარიულ საბანკო სისტემას სანდოობის ხარისხი პრაქტიკულად ნულზე დაუვარდა“, - აცხადებს მაჭარაშვილი.

რამდენიმე დღეში ბრიტანული სასამართლო საბოლოო გადაწყვეტილებას გამოიტანს იმ დავის შესახებ, რომელიც წლებია გრძელდება და მოსარჩელეს ყველა წინა პროცესი მოგებული აქვს, - ინფორმაციას ქართული ოცნების საპატიო თავმჯდომარის ადვოკატი ავრცელებს. ბიძინა ივანიშვილის უფლებადამცველი ასევე დეტალურად საუბრობს, 2008 წლიდან განვითარებულ მოვლენებზე.