ინფექციონისტი მაია ბუწაშვილი "ომიკრონთან" დაკავშირებით უახლეს ინფორმაციას აქვეყნებს

ინფექციონისტი მაია ბუწაშვილი "ომიკრონთან" დაკავშირებით, სოციალურ ქსელ ფეისბუკში ახალ ინფორმაციას აქვეყნებს:

"ომიკრონის ფართო გავრცელებასთან დაკავშირებით 27 დეკემბერს აშშ დაავადებათა კონტროლის ცენტრმა შეცვალა იზოლაციის და კარანტინის ვადები.

აქვე კიდევ ერთხელ დავაზუსტებ, ტერმინი იზოლაცია ეხება კოვიდ დადასტურებულ პირს, ხოლო კარანტინი კონტაქტში მყოფ პირს.

ასევე დავაზუსტებ, რომ ეს ცვლილება საქართველოში ჯერ არ არის ძალაში და ამიტომ ჩვენ ისევ სტანდარტულ ვადებს ვასრულებთ.

                                                        CDC ცვლილების თანახმად:

- იზოლაცია

• კოვიდის დადასტურების შემდეგ იზოლაციის ვადა შემცირდა 5 დღემდე, თუ სიმპტომები გაქრა ან პაციენტი თავიდანვე უსიმპტომო იყო.

• ამის შემდეგ კიდევ 5 დღე ნიღბის აუცილებელი გამოყენება

- კარანტინი

• თუ პირი ვაქცინირებულია ბოლო 6 თვის განმავლობაში ან გაკეთებული აქვს ბუსტერ დოზა (ფაიზერი ან მოდერნა), კოვიდის მქონესთან კონტაქტის შემთხვევაში არ გადადის კარანტინში, მაგრამ 10 დღე მკაცრად უნდა ატაროს ნიღაბი და მე-5 დღეს ჩაიტაროს ტესტირება, თუ ეს შესაძლებელია...

• თუ ვაქცინიდან 6 თვეა გასული ან საერთოდ არ არის ვაქცინირებული, მაშინ 5-დღიანი კარანტინი და შემდეგი 5 დღე ნიღბის მკაცრად გამოყენება.სავარაუდოდ, იზოლაციის და კარანტინის ვადების შემცირება უკავშირდება იმ ფაქტს, რომ ინფიცირებულთა რაოდენობა ძალიან მაღალია და სამუშაო ადგილებზე კადრების დეფიციტი იქმნება", - წერს მაია ბუწაშვილი.

სხვა სიახლეები:

🔳 "რეზო ამაშუკელის ერთი ლექსი მაინც თუ წაუკითხავს ამ კაცუნას? აფხაზავასნაირებმა ყუბანეიშვილი უნდა იკითხონ მხოლოდ" - ნინიკო მშვიდობაძე ლადო აფხაზავას აკრიტიკებს

🔳 "ნაციონალური მოძრაობის" პოლიტსაბჭოს თავმჯდომარის თანამდებობაზე ნიკა მელია კობა ნაყოფიამ შეცვალა

🔳 "კიდევ კარგი, ჯერ არ გითქვამთ ღმერთი ვარო" - ვის მიმართავს მამა პეტრე კვარაცხელია

🔳 "როგორც იესომ სიკვდილზე, შენ გაიმარჯვე ნაცებზე" - ერეკლე დეისაძემ რეზო ამაშუკელის ხსოვნას ლექსი მიუძღვნა