ირაკლი კირცხალია: როდესაც სრული სიცრუით, უტიფარი სიცრუით გაჯერებულ ინფორმაციას ავრცელებ დიპლომატიური კორპუსის წარმომადგენელი, სირცხვილია როდესაც ამის შემდეგ გვესაუბრები დემოკრატიაზე

როდესაც სრული სიცრუით, უტიფარი სიცრუით გაჯერებულ ინფორმაციას ავრცელებ დიპლომატიური კორპუსის წარმომადგენელი, სირცხვილია როდესაც ამის შემდეგ გვესაუბრები დემოკრატიაზე, - ასე შეაფასა ჟურნალისტებთან საუბრისას საპარლამენტო ფრაქცია „ქართული ოცნების“ თავმჯდომარის პირველმა მოადგილე ირაკლი კირცხალიამ დიდი ბრიტანეთის ელჩის განცხადება.

მისი თქმით, ელჩის განცხადებები დაცლილია ყოველგვარი ობიექტურობისგან, სიმართლისგან.

„როდესაც სრული სიცრუით, უტიფარი სიცრუით გაჯერებულ ინფორმაციას ავრცელებ დიპლომატიური კორპუსის წარმომადგენელი, სირცხვილია როდესაც ამის შემდეგ გვესაუბრები დემოკრატიაზე. სირცხვილია, როდესაც გვესაუბრები დემოკრატიის პრინციპებზე იმიტომ, რომ თითოეული ეს განცხადება, რომელიც დაცლილია ყოველგვარი ობიექტურობისგან, სიმართლისგან, არის პირველი გამომთხრელი ძირი დემოკრატიისთვის, ვინაიდან სიმართლე და ობიექტურობა არის დემოკრატიის ერთ-ერთი მთავარი საფუძველი“, - აღნიშნა ირაკლი კირცხალიამ.

ცნობისთვის, დიპლომატმა თქვა, რომ მზია ამაღლობელი ხელისუფლების კრიტიკის გამო დააკავეს. ასევე, ითხოვს პატიმრების გათავისუფლებას და იმ კანონების გაუქმებას, რომელთა ერთადერთი მიზანი საქართველოში გამჭვირვალობის უზრუნველყოფაა. „ქრონიკამ“ დიდი ბრიტანეთის საელჩოს მიმართა კითხვით, თუ რაზე დაყრდნობით უწოდებს ელჩი კონკრეტულ სამართლებრივ საქმეებს პოლიტიკურად მოტივირებულს. თუმცა დიპლომატიური წარმომადგენლობა ამ დრომდე დუმს.