ირაკლი კობახიძე გიორგი გახარიაზე - „არასდროს ვტყუი“

ყოფილ პრემიერ-მინისტრზე, გიორგი გახარიაზე საუბრისას პარტია „ქართული ოცნების“ თავმჯდომარე, ირაკლი კობახიძე ამბობს, რომ „არასდროს ტყუის“.

ბათუმში მყოფ კობახიძეს, ჟურნალისტებმა მას ადრე გაკეთებული ერთ-ერთი განცხადება შეახსენეს: „ბუზი ბევრი ბზუის, მაგრამ გახარიასთან ყველა ტყუის“.

მმართველი პარტიის თავმჯდომარეს ჰკითხეს, ამ მხარდამჭერი განცხადების გაკეთების დროს ტყუოდა თუ ახლა ტყუის, როდესაც გახარიას წინააღმდეგ ახალი დეტალების გამჟღავნებას აანონსებს.

„ჩვენ არავის არ ვდევნით. ის თვითონ არის განდევნილი, მან თვითონ განდევნა საკუთარი თავი საჯარო სივრციდან და მგონი, კარგიც გააკეთა, რადგან ხვდება, რომ მისი ადგილი არ არის საჯარო სივრცეში. ამიტომ ემალება საზოგადოებას და საკუთარი პარტიის წევრებს.

ხვდება, რომ პირველ რიგში ფინანსური ვალები აქვს გასასტუმრებელი. მას არ აქვს გამოსაჩენი პირი – ღიად შეიკრა „ნაცმოძრაობასთან“, არჩევნებში ვერ მიაღწია იმას, რისი მიღწევაც უნდოდა, რომ ვერ აგვეღო ჩვენ 43%; არის წარუმატებელი, დამარცხებული; არის ალიანსში „ნაცმოძრაობასთან“, შესაბამისად, არ აქვს არავისთან გამოსაჩენი პირი. ყველაზე ნაკლებად რაზეც შეიძლება ვდარდობდეთ ახლა, ეს შურისძიებაა, ამ გაკოტრებული ადამიანის მიმართ“ - განაცხადა კობახიძემ.

ცნობისთვის, 16 თებერვალს პარტია „ქართული ოცნების“ ირაკლი კობახიძემ განაცხადა, რომ დადგება დრო, როდესაც იტყვიან, რა მოხდა 1 წლის წინ.

მისივე თქმით, „ეს ინფორმაცია გარკვეული ტიპის უხერხულობას შეიცავს“. როგორც იგი ამბობს, საზოგადოებისთვის დეტალები მალე გახდება ცნობილი. 

ასევე საინტერესოა:

🔵 „უმნიშვნელოვანეს მოვალეობად მივიჩნევ ადამიანებს ვასწავლო როგორ არ უნდა გახდნენ ჩემი პაციენტები“ - ექიმი ნანა გეგეჭკორი

🔵 „თუ იყო გახარია პირდაპირ ამ სპეცოპერაციაში ჩართული, მკვლელობის ფაზაშიც, ვისურვებდი კობახიძისგან ამის მოსმენას“ - მალხაზ მაჩალიკაშვილი

🔵 „ბებიას, ბაბუას და ობლებს დიდი და ახალი სახლი აქვთ“ - აკა სინჯიკაშვილი სასიხარულო ინფორმაციას ავრცელებს