"ხუთშაბათს და პარასკევს მოქალაქეებს მოვუსმენთ, თუ ვის რა უჭირს" - კახა კალაძის ინიციატივა

თბილისის მერი კახა კალაძე თბილისის რაიონის გამგებლებს ავალებს გამოყონ კვირაში ორი დღე მოქალაქეების მოსასმენად.

კალაძის თქმით, მნიშვნელოვანია მოსმენა თუ ვის რა უჭირს და ადამიანებმა უნდა იცოდნენ, რატომ ეუბნებიან კონკრეტულ თხოვნებზე მერიაში უარს.

"მნიშვნელოვანია ადამიანებთან ელემენტარული კომუნიკაცია, ელემენტარული მოსმენა, თუ ვის რა უჭირს, რა სჭირდება, რა თანადგომა არის საჭირო, ამიტომ გამგებლებს გავალებთ, რომ გამოყოთ კვირაში ორი დღე, ხუთშაბათი, პარასკევი, რომელიც იქნება მოქალაქეების მიღების დღეები და მოვუსმინოთ ადამიანებს.

მე კარგად მესმის ისიც, რომ, რა თქმა უნდა, ყველა პრობლემას, ყველაფერს, ვერ მოვაგვარებთ და ვერ მოვაწესრიგებთ, მაგრამ ადამიანს უნდა ჰქონდეს პასუხი რაღაცას რომ ვერ ვუკეთებთ და რაღაცა შეიძლება კანონს ეწინააღმდეგებოდეს, რაღაცა არ გამოდის, მას უნდა ჰქონდეს შესაბამისი პასუხი და უნდა იცოდეს კონკრეტული მოთხოვნა, რაც მას აქვს, რატომ ვერ კეთდება.

იგივე, მოქალაქეების მიღება იქნება დედაქალაქის მერიაში, ხუთშაბათობით და პარასკეობით გაიმართება ადამიანების მოსმენა.

ჩვენ, ყველაფერს გავაკეთებთ ჩვენი შესაძლებლობების ფარგლებში, რომ ყველანაირად ხელი შევუწყოთ, დავეხმაროთ და გვერდში დავუდგეთ იმ ადამიანებს, ვისაც გარკვეული პრობლემები და საჭიროებები აქვს.

ცხადია, ჩვენ გვაქვს გამოცდილება, რომ ბოლო 4 წელში მოდიოდა ისეთი არარეალური თხოვნები, მოთხოვნები, რომლებიც კანონს ეწინააღმდეგება, შეუძლებელია იმის გაკეთება, გადაწყვეტილების მიღება, ამიტომ მნიშვნელოვანია კომუნიკაცია, რომ ყველაფერი კარგად იყოს ახსნილი ადამიანისთვის, რატომ ეუბნებიან მას უარს, რატომ არ გამოდის კონკრეტული საქმე, რატომ ვერ ხდება კონკრეტული გადაწყვეტილების მიღება, ეს კომუნიკაცია პრინციპულად მნიშვნელოვანი იქნება ჩემთვის ამ 4 წლის განმავლობაში", - განაცხადა კალაძემ.

კახა კალაძე დედაქალაქის მერად მეორე ვადით იქნა არჩეული.

მიხეილ სააკაშვილი: ივანიშვილი ახლა არის კატასტროფულ სიტუაციაში, ვემზადებით ძალიან დიდი აქციისთვის დეკემბერში იმისათვის, რომ ხალხმა შვებით ამოისუნთქოს

ზაზა წერეთელი: ახალი ვარიანტის მთავარი პრობლემაა, გავრცელების სისწრაფე და მუტაციების დიდი რაოდენობა