ზაზა წერეთელი: ახალი ვარიანტის მთავარი პრობლემაა, გავრცელების სისწრაფე და მუტაციების დიდი რაოდენობა

"მაშ ასე ახალი შტამის სახელია „ომიკრონი“ და ის შეშფოთების ვარიანტად იქნა დასახელებული „variant of concern“, - ამის შესახებ ნორვეგიის სამეფოს ჯანდაცვის სამინისტროს უფროსი მრჩეველი ზაზა წერეთელი სოციალურ ქსელში წერს. 

"მისი მთავარი პრობლემაა გავრცელების სისწრაფე (იხილეთ გრაფიკი). და მუტაციების დიდი რაოდენობა, 2 ჯერ მეტი ვიდრე დელტა შტამის პირობებში და 500ჯერ უფრო ძლიერია ვიდრე პირველადი ვუჰანის ვირუსი 

ევროკავშირმა დღეს მიიღო გადაწყვეტილება რომ შეწყვიტოს სამხრეთ აფრიკიდან და მისი მეზობელი ქვეყნებიდან მგზავრების მიღება.  

უკან დაბრუნება შეუძლიათ მარტო ევროკავშირის წევრი ქვეყნის მოქალაქეებს, მაგრამ მიუხედავად თავის ვაქცინაციის სტატუსისა ყველას მოუწევს კარანტინი.  

ევროკავშირმა ასევე მოუწოდა თავის წევრ ქვეყნებს სასწრაფოდ გაზაროდს დარჩენილი ვაქცინაციის ტემპი და გაამკაცროს წესები, პირბადის ტარებასა და რაც მთავარია სახლიდან მუშაობაზე, მაშინ როცა ამის შესაძლებლობა არის (სხვათა შორის, საქართველომ სრულიად უგულებელყო ეს მეთოდი, რომელსაც მსოფლიოს ყველა ქვეყანა იყენებს და თითქმის არ გამოუყენებია დისტანციურად მუშაობის მანდატორული მოთხოვნა)

ასეთი ამბებია მსოფლიოში...კიდევ კარგი საქართველოს არ ანაღვლებს კოვიდი", - წერს ზაზა წერეთელი. 

მსოფლიო ჯანდაცვის ორგანიზაციის (WHO) თქმით, წინასწარი დასკვნები მიხედვით, კორონავირუსის ახალი შტამი შეშფოთებას იწვევს და მას ომიკრონი დაარქვეს.

სამხრეთ აფრიკის ჯანდაცვის სამინისტროს ცნობით, ქვეყანაში COVID-19-ის ახალი შტამი გავრცელდა, რომელიც უკიდურესად დიდი რაოდენობის მუტაციებს შეიცავს და მსოფლიოს მასშტაბით გავრცელებული ვარიანტებისგან მნიშვნელოვნად განსხვავდება. 

ამავე თემაზე:

📌 გამყრელიძე ახალ შტამზე: ლუგარის ლაბორატორიაში, რამდენიმე საეჭვო შემთხვევას ვიკვლევთ