ლევან მაჭავარიანი: აგენტურული ოპოზიცია რევოლუციებს ვერ მოგვიწყობს ბრიუსელის დაფინანსებით – ამ ყველაფრის გარანტი არის ქართველი ხალხი

„ძალიან რთულია ბოლომდე ჩასწვდე იმ ხატოვან გამონათქვამებს, რასაც ქალბატონი კოსი იყენებს ხოლმე. ვიდრე ევრობიუროკრატები შეიმჩნევენ იმას, რომ ჩვენ ნამდვილად შავ ზღვას ვესაზღვრებით და არ გააცნობიერებენ იმ რეალობას, რომ ჩვენ ვართ შუა დერეფნის ერთ-ერთი საკვანძო ქვეყანა, მანამდე ძალიან რთული იქნება, ზოგადად, რაიმე კომენტარი გაკეთდეს მათ განცხადებებზე“, – ამის შესახებ „ქართული ოცნების“ წევრმა ლევან მაჭავარიანმა განაცხადა.

მისი თქმით, „აგენტურული ოპოზიცია რევოლუციებს ვერ მოაწყობს“.

„როდესაც რეალობას თვალს გაუსწორებენ და გააცნობიერებენ – მიუხედავად იმისა, რომ წინასაარჩევნო კამპანიები თვითონ ჩაუტარეს ოპოზიციას, ვერ ჩაგვანაცვლეს არჩევნების გზით, ვერც რევოლუცია მოაწყვეს საქართველოში და ამ ყველაფრის გარანტი, რა თქმა უნდა, ქართველი ხალხია. ვერც მათ არჩევნებში ჩარევით დაგვამარცხებენ, ვერც რევოლუციებს მოგვიწყობენ ბრიუსელის დაფინანსებით – ამ ყველაფრის გარანტი არის ქართველი ხალხი. როდესაც ისინი ამ ყველაფერს გააცნობიერებენ, დაბრუნდებიან რეალურ სამყაროში და გამოვლენ ილუზიებიდან, ამ შემთხვევაში უფრო მარტივი იქნება მათ განცხადებებზე კომენტარის გაკეთება“, – განაცხადა მაჭავარიანმა.