ლევან მაჭავარიანი ჩახუნაშვილის გირაოს თანხის შესაგროვებლად ოჯახის თხოვნაზე: შესაძლოა, მიზანი ისიც იყოს, რომ საზოგადოებას მოაჩვენონ, გაჭირვებული არიან და ჩვენს მოქალაქეებში უფრო მეტი თანაგრძნობისთვის მეტი ემოცია აღძრან

შესაძლოა, მიზანი ისიც იყოს, რომ საზოგადოებას მოაჩვენონ, გაჭირვებული არიან და ჩვენს მოქალაქეებში უფრო მეტი თანაგრძნობისთვის მეტი ემოცია აღძრან, - განაცხადა პარლამენტის ფრაქცია „ქართული ოცნების“ თავმჯდომარის პირველმა მოადგილემ ლევან მაჭავარიანმა

იგი ამგვარად გამოეხმაურა კონსტანტინე ჩახუნაშვილის თხოვნას მოქალაქეების მიმართ, რომ მამის - ექიმ გიორგი ჩახუნაშვილის გირაოს თანხის შეგროვებაში დახმარებოდნენ.

„როდესაც რაღაც ფული სჭირდებათ „ნაციონალური მოძრაობის“ წარმომადგენლებს ან მათ აქტივისტებს, ისინი შემდეგ ამ ფულის შეგროვებას ხალხისგან ითხოვენ. სწორედ ასეთი სცენარი ვითარდებოდა გუშინაც, როდესაც [ჩახუნაშვილის] მამის გირაოს გადახდაზეა საუბარი.

ჩვენ ვიცით, რომ ამ ოჯახს ნამდვილად არ უჭირს, მსუბუქად რომ ვთქვათ და ჩვეულებრივად აგრძელებენ „ნაციონალური მოძრაობის“ ხაზს. ითხოვენ, მოქალაქეებმა შეუგროვონ ეს თანხები, რაც ცოტა სამარცხვინოა.

შესაძლოა, კიდევ მიზანი ისიც იყოს, რომ თითქოს, საზოგადოებას მოაჩვენონ, გაჭირვებული არიან და ჩვენს მოქალაქეებში მეტი ემოცია აღძრან უფრო მეტი თანაგრძნობისთვის“, - განაცხადა მაჭავარიანმა.

სასამართლომ ექიმ გიორგი ჩახუნაშვილს აღმკვეთის სახით გირაო შეუფარდა.

ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე რატი იონათამიშვილი სოციალურ ქსელში კონსტანტინე ჩახუნაშვილის პოსტს გამოეხმაურა, რომელიც მისი მამისთვის გირაოს თანხის შესაგროვებლად დახმარებას ითხოვს.