მაკა ბოჭორიშვილი: ბრიუსელს წერილობითაც აქვს ნათქვამი, რომ საქართველოს არ შეაფასებდნენ

იმდენად დიდი იყო ცდუნება, რომ ეს ანგარიში [ევროკომისიის გაფართოების ანგარიში] უნდა ყოფილიყო უარყოფითი, რომ მათ წერილობითაც აქვთ ნათქვამი უარი, რომ საქართველოს არ შეაფასებენ, - განაცხადა გადაცემაში „იმედი LIVE” საგარეო საქმეთა მინისტრმა მაკა ბოჭორიშვილმა ევროკომისიის 4 ნოემბრის ანგარიშზე საუბრისას.

საგარეო საქმეთა მინისტრის თქმით, ბრიუსელმა მოკლა იმის შესაძლებლობა, რომ ანგარიშის ავტორებს საქართველოსთან დაკავშირებით ობიექტური სურათი ჰქონდეთ.

„ჩვენ ვწერთ ანგარიშებს და ვაგზავნით ბრიუსელში რა ნაბიჯები გადადგა ქვეყანამ. ჩვენ, რა თქმა უნდა, ამას ყოველთვის ვაკეთებთ, ბრიუსელში ინფორმაცია მთელი წლის განმავლობაში ვაგზავნიდით, თუმცა ესეც კი იმდენად მიუღებელი იყო ბრიუსელისთვის და იმდენად დიდი იყო ცდუნება, რომ ეს ანგარიში უნდა ყოფილიყო უარყოფითი, მათ წერილობითაც კი აქვთ ნათქვამი უარი, რომ საქართველოს არ შეაფასებენ. ჩვენ არც ერთ წინადადებას არ დავტოვებთ უპასუხოდ, ჩვენ ამაზე პასუხები რა თქმა უნდა გვაქვს. ეს არის არასამართლიანი დამოკიდებულების გამოხატულება, როდესაც სრულიად უსაფუძვლოდ, ობიექტური შეფასებების გარეშე კეთდება ასეთი შემაჯამებელი განცხადებები, რომ თითქოს საქართველოს პროგრესი არ ჰქონია ამ ხნის განმავლობაში“, - განაცხადა მაკა ბოჭორიშვილმა.