"პირადად დადიოდა ბრიუსელში და სთხოვდა, რომ კანდიდატის სტატუსი არ მისცეთო - იცნობდეთ ქვეყნის მოღალატეს"

პრემიერ-მინისტრ ირაკლი ღარიბაშვილის განცხადებით, „ლელოს“ პოლიტიკური მდივანი, სალომე სამადაშვილი პირადად დადიოდა ბრიუსელში და სთხოვდა მათ, რომ საქართველოს კანდიდატის სტატუსი არ მიეღო.

ამის შესახებ ღარიბაშვილმა, საკანონმდებლო ორგანოში სიტყვით გამოსვლისას განაცხადა, სადაც მთავრობის წლიურ ანგარიშს წარუდგენდა დეპუტატებს და მოსახლეობას.

"ეს ადამიანები, ვინც აქ არიან წარმოდგენილი, მათი დიდი ნაწილი დადიოდა ევროკავშირში, ევროპარლამენტში.

ამას პირდაპირ ჩვენი ევროპელი კოლეგები მიყვებიან, მავნებლურად, მტრულად ექცეოდნენ ქვეყანას",- განაცხადა პრემიერმა.

აღნიშნულ განცხადებას დარბაზიდან სალომე სამადაშვილი გამოეხმაურა "ტყუილია, სრუპენტელა". 

ამ რეპლიკას პრემიერმა ვრცლად უპასუხა.

"რა არის ტყუილი? ავხსნი, რატომ არ არის ტყუილი.

ტყუილი არის თქვენი ყველა სიტყვა, რასაც თქვენ თქვენს მოქალაქეებს ელაპარაკებით.

"ევროპის სახალხო პარტიამ“ მათი რეკომენდაციებით მოამზადა ყველაზე სამარცხვინო ტექსტი, უსამართლობის ზეიმი, ეს იყო პირდაპირ მხილება და მტკიცებულება იმისა, რომ ამ ადამიანებს არ სურდათ, საქართველოს კანდიდატის სტატუსი მიეღოთ.

„ნაციონალურ მოძრაობას“ სააკაშვილის ხელმძღვანელობით არ სურდა და არ სურს, რომ ქვეყანამ კანდიდატის სტატუსი მიიღოს.

ამას სრული პასუხისმგებლობით გეუბნებით.

ფაქტებზე დამყარებულ ინფორმაციებს ვუზიარებ ჩვენს მოქალაქეებს.

ახლა რაც შეეხება ქალბატონ სალომე სამადაშვილს, ძალიან ნერვიულობს იმიტომ, რომ იცის მასზე უნდა გადავიდე.

ქალბატონი სალომე სამადაშვილი პირადად დადიოდა ბრიუსელში და სთხოვდა, რომ კანდიდატის სტატუსი არ მისცეთო.

იცნობდეთ ქვეყნის მოღალატეს",- განაცხადა პრემიერმა.

ასევე დაგაინტერესებთ:

📍პრემიერი: ერთ-ერთი მთავარი ინიციატორი, რომელიც დაჟინებით ითხოვდა, არ მიეღო საქართველოს კანდიდატის სტატუსი, იყო დავით არახამია - ჩვენი ოპონენტების მეგობარი

📍სალომე სამადაშვილმა და ანა ნაცვლიშვილმა ირაკლი ღარიბაშვილს, რომელიც პარლამენტში მთავრობის წლიური ანგარიშით გამოდიოდა, პროტესტის ნიშნად ზურგი აქციეს