რატი იონათამიშვილი გაფართოების ანგარიშზე: როგორი უსამართლოც არ უნდა იყოს, ამას ჩვენს საზოგადოებაზე არანაირი გავლენა არ ექნება

სამწუხაროდ ევრო სტრუქტურები საქართველოს ყოველ ჯერზე უსამართლოდ ექცევიან, - განუცხადა „ქრონიკას“ ადამიანის უფლებათა დაცვისა და სამოქალაქო ინტეგრაციის საპარლამენტო კომიტეტის თავმჯდომარე რატი იონათამიშვილმა გაფართოების ანგარიშზე საუბრისას.

მისივე თქმით, ევრო სტრუქტურები ხშირ შემთხვევაში ორმაგ სტანდარტსაც იყენებენ.

„არა თუ სუბიექტურ ანგარიშებს და განცხადებებს აკეთებენ, არამედ კონფლიქტში მოდიან იმ ღირებულებებთან, რაც ევროკავშირს სინამდვილეში გააჩნია. ფაქტია, რომ ამ ღირებულებებისგან გადახვევასთან გვაქვს საქმე. თუ გავითვალისწინებთ ამ უსამართლო მიდგომებს, იმის თქმა შეგვიძლია, რომ როგორი უსამართლოც არ უნდა იყოს ეს ანგარიში, ჩვენს საზოგადოებაზე არანაირი გავლენა არ ექნება“, - აღნიშნა რატი იონათამიშვილმა.

ხვალ გამოქვეყნდება გაფართოების ანგარიში - ხელისუფლება ისევ სუბიექტურ დასკვნას ელოდება. პარლამენტის თავმჯდომარის განცხადებით, სიმბოლურია რომ ევროკავშირის აქტორები ერთი თვეა დუმილს ინარჩუნებენ ხელისუფლების დამხობის მცდელობაზე და არაფერს ამბობენ პრეზიდენტის სასახლეზე განხორციელებულ შტურმზე. შალვა პაპუაშვილის თქმით, ნურავის ექნება მოლოდინი, რომ მტრული და ანტიდემოკრატიული ნაბიჯებით, თავიანთ მოსაზრებებს ქართველ ხალხს მოახვევენ.