მაია ბითაძე ლომჯარიას განცხადებაზე: იკვეთება გარკვეული ნიშნები, რომ იწყებენ მომდევნო საპარლამენტო არჩევნებისთვის მზადებას

 „იკვეთება უკვე გარკვეული ნიშნები, რომ იწყებენ მომდევნო საპარლამენტო არჩევნებისთვის მზადებას“, - ამის შესახებ მმართველი გუნდის წევრმა მაია ბითაძემ განაცხადა, რითაც გამოეხმაურა ნინო ლომჯარიას განცხადებას იმასთან დაკავშირებით, რომ მომავალი საპარლამენტო არჩევნებისთვის მზადება უნდა დაიწყოს.

მისი თქმით, იმ ფონზე, როდესაც ნინო ლომჯარია არ სარგებლობს ავტორიტეტით რადიკალებში, ძნელად სარწმუნოა, რომ მას ვინმე დაემორჩილება თუმცა მის განცხადებასა და იმ პროპაგანდას შორის, რომელიც ბრიუსელიდან ისმის შედეგობრივი კავშირი მაინც იკვეთება.

„ამ ფონზე ძალიან კომიკურია, როდესაც ნინო ლომჯარია რაიმე განცხადებას აკეთებს. იმიტომ რომ ადამიანი, რომელიც ავტორიტეტით არ სარგებლობს თვითონ რადიკალურ ოპოზიციაში და მათ შორის არასამთავრობო სექტორში. ნინო ლომჯარიას მოწოდებას რამდენად დაემორჩილებიან ოპოზიციონერები ეს კიდევ სხვა საკითხია.

რაღაც მიზეზ- შედეგობრივი კავშირი მაინც არის ამ განცხადებებში, რომელიც სამომავლო საპარლამენტო არჩევნებზე აქცენტირდება. როგორც იმ განცხადებებზე, რომელიც პროპაგანდისტული სახით ჯერ კიდევ ისმის უფრო და უფრო მწარე ფორმით ბრიუსელიდან.

მაგრამ შუალედურ პერიოდში ამას ყველაზე დიდი და ცუდი ზეგავლენა აქვს იმ მოქალაქეებზე, რომლებიც ყოველდღიურად მიზანმიმართულად ჩადიან სამართალდარღვევას იმისთვის, რომ იყვნენ პასუხისგებაში მიცემულნი, რაც აზრს მოკლებულია და პირველ რიგში საკუთარ თავს ვნებენ“, - აღნიშნა ბითაძემ.