სააკაშვილს ჯანმრთელობის შესაძლო გაუარესების პრევენციის მიზნით კლინიკა "ვივამედში" გადაყვანას შესთავაზებენ

იუსტიციის მინისტრის რატი ბრეგაძის განცხადებით პატიმრობაში მყოფ საქართველოს მესამე პრეზიდენტს მიხეილ სააკაშვილს მისი ჯანმრთელობის მდგომარეობის შესაძლო გაუარესების პრევენციის მიზნით კლინიკა "ვივამედში" გადაყვანას შესთავაზებენ, ამის თაობაზე რატი ბრეგაძემ მთავრობის სხდომის დასრულების შემდეგ გამართულ პრესკონფერენციაზე განაცხადა.

„მსჯავრდებულ მიხეილ სააკაშვილს დანიშნული აქვს მედიკამენტური მკურნალობა, თუმცა ის შერჩევით იღებს მხოლოდ მედიკამენტების ნაწილს რითაც ფაქტობრივად უარს ამბობს, საკუთარი გადაწყვეტილებით, სრულფასოვან მკურნალობაზე.

ასევე იგი საკვებსაც იღებს საკუთარი გადაწყვეტილებით მხოლოდ შერჩევით და ბუნებრივია, ამით ის საფრთხეს უქმნის საკუთარ ჯანმრთელობას.

ჩვენ როგორც პასუხისმგებლობიანი სახელმწიფო ვმოქმედებთ ნებისმიერი ადამიანის ჯანმრთელობის და სიცოცხლის ინტერესებიდან გამომდინარე, შესაბამისად როგორც ნებისმიერი სხვა პატიმრის შემთხვევაში, მიხეილ სააკაშვილს შესაძლო გართულებების თავიდან არიდების მიზნით. გაუკეთდება შეთავაზება, რომ გაყვანილ იქნეს კლინიკა "ვივამედში" სადაც მას ჩაუტარდება გამოკვლევები და საჭიროების შემთხვევაში შესაბამისი მკურნალობა“,- განაცხადა რატი ბრეგაძემ.

სახალხო დამცველის მიერ შექმნილი კონსილიუმის შეფასებით, მიხეილ სააკაშვილის ჯანმრთელობის მდგომარეობა "მნიშვნელოვნად გაუარესებულია".

ასევე დაგაინტერესებთ:

 * ბოლო 1 კვირის განმავლობაში, საქართველოში კოვიდინფიცირების 745 ახალი შემთხვევა გამოვლინდა, გარდაიცვალა 8 პაციენტი

* "თენგიზ ცერცვაძე თანამდებობას არ დატოვებს, ის იმდენად დიდი პატრიოტია ქვეყნის, არ მგონია ამ ტიპის გადაწყვეტილება მიიღოს" - ამირან გამყრელიძე