სამმა ოპოზიციურმა პარტიამ წარადგინა საერთო გეგმა, რომელიც უნდა შესრულდეს ევროკავშირისკენ მიმავალ გზაზე

„სტრატეგია აღმაშენებელმა“, „ნაციონალურმა მოძრაობამ“ და „ლელომ“ წარადგინეს საერთო გეგმა, რომელიც მათი განცხადებით, უნდა შესრულდეს ევროკავშირისკენ მიმავალ გზაზე.

„საქართველომ გააკეთა ევროპული არჩევანი საკუთარ ისტორიულ ღირებულებებზე დაყრდნობით.

დღეს, როგორც არასდროს, ჩვენ ახლოს ვართ ევროკავშირის ინტეგრაციის გზაზე.

რამდენიმე კვირა დარჩა, ვიდრე გადაწყვეტილება იქნება მიღებული საქართველოსთვის კანდიდატი ქვეყნის მინიჭება-არმინიჭების შესახებ.

სწორედ ახლა, ამ უახლოეს კვირები უნდა ვაჩვენოთ ევროკავშირს, რომ საქართველო მზად არის გადამწყვეტი ნაბიჯების გადასადგმელად ევროპასთან დასაახლოებლად, ძირეული რეფორმების განსახორციელებლად და ამ გზაზე სიარულს ქვეყანა იწყებს შემდეგი ნაბიჯების გადადგმით", - განაცხადეს ბრიფინგზე.

ოპოზიციის მიერ ერთობლივად შემუშავებული სასამართლო პაკეტის მიღება პარლამენტში

• საარჩევნო რეფორმის ბოლომდე მიყვანა და საკონსტიტუციო ცვლილებების დაუყოვნებლივ მიღება მე-2 და მე-3 მოსმენებით
• შეწყდეს ჩვენს დასავლელ პარტნიორებზე – დიპლომატებზე, ევროპარლამენტარებზე და ელჩებზე თავდასხმა
• უკრაინის მხარდამჭერი რეზოლუციის მიღება, სადაც ხაზგასმით და მკაფიოდ დაგმობილი იქნება რუსეთის მიერ ჩადენილი სამხედრო დანაშაულებები უკრაინაში
• მთავრობის მიერ მომზადდეს ახალი საკანონმდებლო პაკეტი, რომელიც გარანტირებულად გამორიცხავს რუსეთისთვის დაკისრებული საერთაშორისო სანქციების გვერდის ავლას ან არასწორ ინტერპრეტაციას
• ნიკა გვარამიას საკითხის გადაწყვეტა
• მიხეილ სააკაშვილის, როგორც პატიმრის უფლებების დაცვა და საერთაშორისო მაღალი დონის სამედიცინო ექსპერტების ჩამოყვანა, რომელთა დასკვნის შესრულებაც მკურნალობა/რეაბილიტაციაზე სავალდებულო იქნება

ასევე დაგაინტერესებთ:

* "ჩვენ თქვენით ვამაყობთ" - სალომე ზურაბიშვილმა უკრაინაში საქართველოს დიპლომატიური წარმომადგენლობების თანამშრომლები ღირსების მედლით დააჯილდოვა

* ბაია პატარაია: მშობლებო, გაზარდეთ ქალიშვილები დამოუკიდებელ ადამიანებად და ისინი თვითონ მოიპოვებენ თავისუფლებას თქვენგანაც და სხვებისგანაც

* ფოთში, მეტალურგიულ ქარხანაში აფეთქება მოხდა, შემთხვევის შედეგად არავინ დაშავებულა