სპეკულაციებს, რომ საქმე პოლიტიკური იყო, ნიადაგი გამოეცალა - მიხეილ სარჯველაძე

სპეკულაციებს, რომ ხაზარაძე-ჯაფარიძე-წერეთლის საქმე პოლიტიკური იყო, ნიადაგი გამოეცალა - დანაშაულის ფაქტი სასამართლოს მხრიდან სადავო არ გამხდარა, - ამის შესახებ პარლამენტის ადამიანის უფლებათა კომიტეტის თავმჯდომარემ, მიხეილ სარჯველაძემ ჟურნალისტებთან განაცხადა.

სარჯველაძე ამბობს, რომ სასამართლოზე საკამათო არ გამხდარა დანაშაულებრივი ფაქტები ჩადენილი იყო თუ არა.

„მე რამდენადაც მოვისმინე, კვალიფიკაციის საკითხი დადგა, რომელიც განსხვავებულად შეაფასა სასამართლომ. ძალიან მარტივად რომ ავხსნათ, იმ ფაქტის დადასტურებას, რომელიც ჩაითვალა რომ არის დანაშაულებრივი, პრობლემა არ ჰქონია სხდომის მიმდინარეობისას და განხილვების პროცესში.

რაც შეეხება სამართლებრივ შეფასებას, რა ჰქვია ამას თაღლითობა, ფულის გათეთრება თუ კიდევ სხვა რამ, ამაზე აღმოჩნდა განსხვავებული შეხედულებები და სასამართლომ თქვა, რომ ეს არის არა ამ კატეგორიის, არამედ სხვა კატეგორიის დანაშაული, ოღონდ დანაშაულია ორივე შემთხვევაშიო. ფაქტები სადავო არ გამხდარა და ყველა სპეკულაციას, რომელიც ამ დავის ირგვლივ იყო ამ პერიოდის განმავლობაში, ყველანაირი საფუძველი გამოეცალა. არანაირი მიზეზი პოლიტიკური დევნისა, პოლიტიკური მოტივაციისა და ა.შ. ვფიქრობ, ობიექტურად, უბრალოდ, აღარ მოიპოვება,“ - განაცხადა სარჯველაძემ.

ამავე თემაზე:

🔵 სასამართლომ სრულად გაიზიარა ბრალდების მხარის მტკიცებულებები - ხაზარაძე-ჯაფარიძე-წერეთლის საქმის პროკურორი

🔵 ვეღარ გაბედეს დაჭერა ბიჭებმა - ინგა გრიგოლია

🔵 მამუკა ხაზარაძე, ბადრი ჯაფარიძე და ავთანდილ წერეთელი სასამართლოს გადაწყვეტილებას გაასაჩივრებენ