"უაღრესად მადლიერნი ვართ უკრაინის მიმართ საქართველოს მხრიდან გამოხატული თანმიმდევრული მხარდაჭერისთვის" - კასიანოვი

საქართველოში უკრაინის ელჩის მოვალეობის შემსრულებელმა, ანდრეი კასიანოვის თქმით, უკრაინული მხარე უაღრესად მადლიერნი არიან, უკრაინის მიმართ საქართველოს მხრიდან გამოხატული თანმიმდევრული მხარდაჭერისთვის.

ამის შესახებ კასიანოვმა, საქართველოს საგარეო საქმეთა მინისტრის მოადგილე ლაშა დარსალიასთან შეხვედრის შემდეგ განაცხადა.

"დღეს მქონდა შეხვედრა საგარეო საქმეთა მინისტრის პირველ მოადგილესთან ლაშა დარსალიასთან.

დღეს, ჩვენ, როგორც უკრაინელები, ისე ქართველები რუსეთის ფედერაციის მხრიდან პროვოკაციის მოწმენი გავხდით.

ჩვენ უაღრესად მადლიერნი ვართ უკრაინის მიმართ საქართველოს მხარის მიერ გამოხატული თანმიმდევრული მხარდაჭერისთვის, ისევე როგორც გაერთიანებული ერების ორგანიზაციის გენერალური ასამბლეის მიერ მიღებული რეზოლუციების – „უკრაინის წინააღმდეგ განხორციელებული აგრესია და უკრაინის წინააღმდეგ აგრესიის ჰუმანიტარული შედეგები“ მხარდაჭერისთვის.

საქართველო არამარტო მხარს უჭერს ამ რეზოლუციებს, არამედ იგი აღნიშნული რეზოლუციების თანასპონსორიცაა.

ჩვენ ასევე მადლობელნი ვართ საქართველოს ეროვნული ბანკის მკაფიო პოზიციისთვის, კერძოდ, ევროკავშირის მიერ რუსული ბანკების წინააღმდეგ დაწესებული სანქციების რეჟიმის შესაბამისად მოქმედებისთვის.

რუსეთი არ უნდა დარჩეს დაუსჯელი 2008 წელს საქართველოს წინააღმდეგ განხორციელებული აგრესიისთვის.

მინდა დაგარწმუნოთ, რომ რუსეთი სრულად აგებს პასუხს უკრაინისა და უკრაინელი ხალხის წინააღმდეგ გაჩაღებული ომისთვის“, – განაცხადა კასიანოვმა.

წყარო:  საქართველოს საგარეო საქმეთა სამინისტრო

სხვა სიახლეები:

🔵 "რუსეთის მოქალაქემ, რომელსაც ბინა ჰქონდა ნაქირავები ბათუმში, ბინის მეპატრონეს სექსუალურ შევიწროებაში დასდო ბრალი და დააჭერინა" - ისტორია სოციალური ქსელიდან

🔵 "არ მიყვარს ოპერაციიდან გამოსვლის შემდგომი დღე. მთელი დღე სარეცხი უნდა რეცხო" - ოქრუაშვილი

🔵 "დიდი კაცის" ახლო ნათესავი და მეგობარი თუ არ ხარ, მონობაც ჭრის საქართველოში" - იაგო ფრანგიშვილი